心碎搖籃曲

今日o係網上面搵到checkers o既一首名曲: <心碎搖籃曲>,我記得佢o係我中一o個陣好hit!當時呢首歌仲要係益力多o既廣告歌.當年學校去旅行o個陣o的同學最鍾意帶埋部錄音機去,不停咁播呢首歌.班入面有個女同學(花名叫:姣婆蘭)最鍾意一面聽住呢隻歌,一面跳舞.我當時覺得姣婆蘭同呢隻歌極度污染環境,(姣婆蘭跳到姣凳凳,佢又逼我幫佢映相.成日覺得我映得唔好又要重頭跳過映過.搞到隻歌不停咁播,個喇叭播到又拆又大聲.阿sir望住我o地皺哂眉頭.)但係今日聽返又覺得隻歌幾好聽.(可能而家大慨可以明白o的歌詞講乜呱?!)我真係好想聽多o的checkers o既歌呀!唔知有冇人有呢?

回流

今次返香港o既路程雖然曲折o的,但係覺得返到香港實在太好喇!我星期六去完中環睇醫生,去銅鑼灣行o左幾個鐘.去完之後又返小組,雖然同另外一組合併o左,但係覺得大家都好親切.令我覺得遺憾o既係我唔可以成日都返到.覺得有小小唔開心,o係大陸生活o左差唔多14年.到而家都重係有o的唔適應.係,冇錯!大陸發展得好快.物價較香港低,住屋空間比香港大好多.但始終行出街都覺得有o的不安.我最近呢兩年都考慮緊想返香港做o野.原因係因為工作唔如意,或者為阿仔o既成長考慮都有.當然生活o既感覺都係一個考慮o既因素.

曲折

首先要由我o係廣州返香港講起......

上星期五,我放工之後去火車站.到o左之後我見到人山人海,聽到廣播叫o的人守秩序.我就知道有o的唔妥.我睇見電子告示板顯示'火車晚點,出發時間待定'我就諗都唔諗就上樓上嘗試埋直通火車飛.(o個陣係接近6點)點知賣哂,下一班車要8:20.我唔想等咁耐於是即刻坐的士去搭巴士落深圳.點知去到先知下一班車要7:50開.我心諗:咁晏,我坐直巴返香港算喇!但係邊度有得坐呢?於是去o左Starbucks 度用WiFi上網查啦,結果我聽o左我老婆講去其中一個地方坐巴士.點知去到發現最後一班車已經開o左.而另外一個地方o既尾班車都開埋!於是我o係廣州市內穿梭o左一陣最後都係去o番火車站坐8:20 o個班直通車.(我到火車站o個陣係晚上7:50分.)

好喇!今日返廣州,又係火車有問題.我返到屋企已經係11:00喇.....................

orz

怒剷 IE 7

前日download o左IE 7,諗住佢好好用啦.點知裝o左之後唔係呢樣就係o個樣唔妥,谷鬼氣今日用系統還原剷鬼o左佢.當堂乜事都冇!舒服哂!

禁,慘

上星期三唔小心整親隻手,痛到飛起!終於星期五o個日頂唔順極速返香港睇跌打.師父話我扭親條筋.要敷藥同埋禁止飲酒,冰凍飲品同酸,辣o野直至過冬!(慘!)師父果好o野!我敷o左一晚藥,第二朝唔係點痛喇!我今日一o的都唔痛添!

上星期六晚,我同阿哥,阿嫂一齊睇電視.當我o地睇到空中飛人o個陣,我講笑咁話:咁鬼渣!一陣俾人扯甩條褲我就笑喇!點知無幾耐佢真係俾人扯甩條褲喎!阿哥笑到唔識收聲我都笑o左出o黎.但事後諗o番自己咁樣唔o岩,佢真係好無辜同好慘.(反省,反省!)

相簿update

大家click入去睇o下啦. :)

家庭樂

上個星期五早放工,返到屋企同老婆同阿仔去公園玩.我o地去到公園已經係傍晚6點鐘,o的人已經走哂.我o地一家人一齊玩滑梯,最初阿仔一個人玩,佢經已笑到收唔到聲,跟住我同老婆輪流抱住佢玩滑梯.佢笑得仲大聲.夜晚出o左街食飯.

到o左星期六,我o地一早執好行李返老婆外家.天氣凍凍o地,冇乜o野好過成班人一齊BBQ喇,o個晚o的o野醃得幾好,我同阿哥,阿豹飲o左唔少啤酒.燒完o野食佢o地打麻雀,班o靚仔 目訓哂,我就坐埋一邊打機.玩到2點.

班友真係大癮,o尋日臨走之前仲要打.終於5點先走返到屋企8點.

自私人渣!

今日發生一件令我火滾o既事!

今日放工o個陣落好大雨,廣州例牌塞車.去到坐巴士o既地方差唔多7點.巴士7點05分到,上齊客跟住開車.架車開o左冇幾耐就有把女人聲同個司機講o野,雖然我唔係聽得好清楚.但係知道佢同個司機講:去中途站條路好擠塞建議直接行高速公路唔好去中途站接客.我聽到之後立即o係後面鬧佢,平時我係唔會咁做.不過我覺得o的人好自私!架車仲未坐滿,起碼可以坐多4個人.外面落緊好大雨,人人都想快o的返屋企.你上o左車你就緊係舒服啦,但係中途站應該好多人等車喎.如果唔去接佢o地,咁佢o地要等幾耐呀?!如果調轉係你o係中途站等緊車你o既感受會點呀?!如果俾你知道因為有人怕塞車唔接你,你肯定講哂粗口問候全世界,然後打電話去投訴!

當o的人收集高速公路路費,我冇俾佢.因為我唔贊成!巴士到站冇耐有另外一架巴士到站,上面企滿哂人.唔知o個班自私鬼見到之後會唔會有感受?

哈!'五星級的家'住o左o的五星級o既自私人渣!

無名火起

o尋日因為心急想返去睇o下個仔,所以一過皇崗立即上祈福新村巴士.(因為返屋企o既巴士要等多9個字先到.)一到站上o左o架的士,個司機開價50大洋.(獅子開口!)即刻落車搭另外一架.按咪錶計,返到屋企40大洋.見到阿仔生生猛猛,個心都安落o的.o尋日我件行李特別重,返到屋企覺得好 支力.到o左夜晚要 目訓o既時候,阿仔唔知做乜不停LiLi LaLa不停咁講o野.o尋晚又熱喎,o岩o岩 目訓著o左又俾佢嘈醒連續幾次.搞到12點半都仲唔肯 目訓,最後仲'mit'我添,我即時無名火起打o左佢手仔兩下.佢即刻喊,收聲之後冇耐佢又玩過,最後老婆建議我去隔離間房 目訓.終於大家都有覺 目訓,今朝起身我問老婆 目訓得好唔好,佢話佢冇乜點 目訓過.唉~~~!老婆,妳真係辛苦啊!

一家大細都病哂!

已經係第二次成家一齊病喇,我同基基差唔多一齊起感冒.我呢幾日已經好返o的喇,(如果冇人裝香,我仲好得快o的添呀!)基基日日都差唔多,好在冇發燒!今日老婆同我講佢又有感冒,真係出奇!我o地唔係o係埋一齊都會一齊病?!最弊老婆個證o岩o岩聽日到期,如果唔係佢就會同基基返香港睇醫生......

廣西之行

今次係我第二次去廣西,上個星期五同阿豹成班人飲完茶之後出發去機場.(本來我諗住坐機場巴士去,不過阿豹佢太好人喇!要自己開車送我出機場.)一路上都好順利,點知o係機場高速尾3 o個個出口條汰爆o左,幾經辛苦換o左條士啤汰先知兩條汰都係唔用得.終於要拖車先拖我o地去機場然後先去補汰.我去到機場即刻check-in然後即入閘去到停機坪冇耐就入得閘.真係好險!

今次開會開o左2日,同我同房o既係個煙鬼.佢話我知佢有感冒,但係又不停食煙!好心佢食小兩口啦......

咁多次開會最令我滿意o既係呢間酒店有免費上網,我今次完全都唔覺得太悶.

我個同房冇咩奇怪舉動,不過佢做o左件我好唔鍾意o既事.佢好鍾意點著支煙放o係煙灰缸,然後唔理佢.好似裝香咁.

佢日又裝香,夜又裝香.o岩o岩 目訓醒又裝香!(大佬呀!o岩o岩 目訓醒食乜鬼煙呀?!)

今次都有安排去旅遊,我o地去o左一個岩洞.我咁大個仔都未去個岩洞!入面o的石奇型怪狀,配合o的燈光令我諗起宮崎俊o個套<天空之城>入面其中一幕o既情景....... 正當我好陶醉o個陣身邊又傳o黎一陣煙味.當堂咩興致都冇哂!(有冇搞錯呀?!個導遊咪叫o左唔好o係岩洞裏面食煙o架啦!食完o的煙頭周圍掉,o的人真係好自私呀!)去完旅遊返到酒店覺得好 支力!想話去腳底按摩,點知要30分鐘先有師父.都係算吧啦!

今朝去到機場冇耐,機場宣佈我班機機械故障要delay.(我都預o左你係咁o架喇!)後來班機到o左準時起飛.所以話有時o的delay原因分分鐘係藉口.

終於返o黎喇!

搞o左咁耐終於可以再o係blogger寫blog喇!

為免下次唔知幾時又寫唔到,我幾日前o係xanga開o左個新blog.亦到將bloghk o個邊所有舊blog搬哂去xanga,大家只要click 左邊條link就可以去到o個邊.(兩邊內容會同步更新)


呢幾日去o左廣西南寧,家陣好 支力.....................................

咪搞我呀!

頂!自己想點人又拉埋我落水,成日都係咁樣真係好煩呀!

怕俾人知就唔好玩o野,好過癮咩?!做人誠實o的好!咁大個人都唔知你點諗?!

自己作故仔又要人幫你講,有時仲要人幫你作埋.由細到大個個呃哂!

唔講喇!火到o黎埋呀!

唔知點解?

唔知點解最近o係大陸睇唔到blogger o的blog??但係又寫到喎,真係奇......

乜咁攪法呀?!

孔聖誕或成公眾假期 天主教基督教允讓出一天復活節假

http://hk.news.yahoo.com/061023/12/1v4hz.html


咁都得??幾時輪到米奇老鼠同幪面超人呀?喂!唔爭在預埋Gundam呀?!

徵友

以下係徵友告示一則:

28年華貌美如花香港女子徵男友

自我介紹
睇我張相好斯文其實我好O...K貪玩先真,我很貪玩的,最鐘意玩就緊係.....等你問我先話你知啦^.^但有要求,就係要...高大,靚仔,有靚車有自己既物業,要有錢有事業,俾錢我洗,見我用你既錢shoping仲開心過我,要鍚晒我一個,仲有最重要既係如果對我講既大話要唔好俾我知道,請符合以上既男士們要有相先Add 我,thx

愛情觀
一段愛情過份感性就像做夢,無論做夢過程中是多甜蜜,不管你願不願意,睡醒了就什麼都沒有,想追回美夢,只會讓你滿身傷痕,對夢想都懼怕了,做人還有樂趣嗎?現實是殘酷的,不想再受到傷害嗎?就不要再發白日夢了...亦可以選擇,今晚早點睡,下一個美夢在等待你....

個人資料

居住情況：
獨居

無兄弟姐妹

婚姻狀況：
未婚

行業：
其他行業

興趣：
卡拉ok 藝術 去Party 旅行 音樂 看書 看電影 交朋友 購物 上網 看電視 電腦 駕駛 寵物 烹飪

喜歡的運動：
籃球 保齡球 網球 壁球 羽毛球 乒乓球 桌球 高爾夫球 游水 滑水 潛水 行山/遠足 賽車 跑步 柔道 瑜珈

喜歡的菜式：
中菜 日韓菜式 東南亞菜式 西餐 其他

興趣介紹：
我既方式係吸既,現在既興趣係工作,工作再工作,因為我要儲錢去,實現我由細個到現在都未做到既夢想,就係出國流學,站定係曰本半工讀,尋找我既理想對象,我要自己既夢想一一實現....我知道我一定得架!

擇友條件
對方年齡：
29至36歲

對方性別：
男

對方身高：
5尺7寸至5尺10寸

對方身型：
大碼

對方姻狀況：
未婚 離婚 分居/已婚

對方學歷：
大專至大學

對方宗教：
基督教 天主教 佛教

對方有小孩子嗎：
無－但喜歡

對方吸煙嗎：
吸煙

性格偏向：
比較內向 感性 較喜歡聆聽 主動 愛寧靜

筆者按:根據閣下提供的徵友條件,請立即致電心理醫生預約妄想症評估及智力測試.祝閣下早日康服!

有感而發

最近同大人返鄉下過中秋,老實講玩得都算開心.除o左冇得去阿豹個BBQ之外.(大人怕我抵唔住頸寸爆阿豹個衰大佬喎.唔......冇理由?我份人咁善良,大家話係咪?)我今次都見唔少o靚仔o靚妹.令我印象最深o既係其中兩個o靚妹.佢o地有o的態度同佢o地o既年齡唔相配.(好得戚,不可一世,厭惡.)我睇見之後好不安.(正確o黎講係先覺得好嬲跟住覺得不安.)點解幾歲人仔會咁o既態度?係我太低估佢o地?定係我思想太守舊?死啦!我應該點教基基啊?!

開工

嗚,嗚,嗚!玩o左咁多日終於都要返工喇.(我仲未玩夠啊!)不過我都應該滿足o架喇,起碼我都算做放o左個7日長假呀.

唔得呀!我要俾心機做o野先得呀!唔可以再o係度'hei'喇!

中秋節目

今年中秋節去o左大人外家過節,我從來都冇試過o係o個度過節.唔知有o的o野節目.原來係燒o野食.唔?!燒o野食?!前兩日Mabel打電話俾我都係話中秋節去燒o野食喎.(Mabel, sorry啊!我都好想同妳o地一齊玩o架!不過咁o岩今次大家撞哂期.希望我下次o黎到啦.)同阿群個BF阿豹傾開原來佢鄉下都係好流行中秋節燒o野食o個喎!仲要一連燒幾日添.(阿豹係台灣人.)其實我一直都覺得中秋節係玩火o既節日.記得細個我o地成班細路好鍾意過呢個節,因為有得玩火.我o地成班友最鍾意去商場天台煲蠟同玩燈籠.不過我o地個陣玩得好斯文,又冇話燒o左人個公園或者搞o的咩大鑊o野出o黎.淨係煲溶o的蠟倒落個罐度等佢冷卻o左之後又o左煲過.最大鑊一次見到有條友燒電芯o者.煲蠟o既過程本身係好無聊.不過點樣搭爐,點樣利用o的紙皮擋風至係技巧所在.唔知而家o的細路又點玩呢?(不過而家煲蠟係犯法喎!點解會搞到咁o架?!)

今日o係屋企 'hei'

終於逃唔過要o係屋企'hei'o既命運,今朝打電話去大人外家.點知外父話佢同大少一早出o左門口返香港.我就立即執好間房免得大人怪罪落o黎,我實俾佢極刑侍候!為o左令自己冇咁悶我準備o左一大堆vcd將佢o地壓制至mp4格式.等第二時放o係psp度睇.

20Q

http://www.20q.net/

呢個遊戲幾好玩,大家有冇玩過?

我返o黎喇!

我今日12點幾出門口.去換錢,存錢.然後去探阿.跟住行路落旺角,終於都係去o左朗豪坊睇o左套<命運自選台>,Boyee講得o岩!套戲係有o的message.

其實我o地好多時都想所有事都按照o既意思發生,唔想出咁多力就有成果.忽略過程但計較結果.當自己沉迷o左o係自己o既計劃當中o既時候,往往傷害到身邊o既人.當自己慢慢慣性地逃避現實到最後就後悔莫及.呢o的毛病個人人都會有!有時真係要靜落o黎,好好咁睇o番轉頭.諗o下自己做緊o的乜,以免他日自己後悔.(呢o的係我今日學到o既o野.)套戲入面有句對白令我印象好深."個綠精靈一直追住條彩虹以為條彩虹盡頭有桶金,點知原來係桶粟米片!"但願我o地做人唔好盲目.

P.S.: 今日太子爺打電話俾我,話俾我聽新產品反應好好.叫我返工之後同佢睇o下stock仲有幾多貨,必要時安排生產.(嚇得我呀!)

如果你有一日假期,你會點用呀?

今日係黃金週o既第3日,我一個人.大人同大少o係謝崗,大人話今年不如試o下各自放假喎!我冇乜意見,不過一個人咁自由好似有o的唔自在......

冇理由o係屋企'hei' o架?!好耐冇入戲院睇戲喎...其實有幾套戲想睇.

<命運自選台>,<穿Prada的惡魔>,<韓流怪嚇>

睇完戲去邊好呢?去旺角?銅鑼灣?太古城?西貢?(好似冇乜地方好行喎!)迪士尼?(冇理由一條友去o架??)

大家有乜o野好建議?去留言板話我知啦.

P.S.: 呢幾日公司或者老細千祈唔好搵我呀!如果唔係幾好節目都係假......

懲罰購物少帶客遊和合石 - Yahoo! 新聞

懲罰購物少帶客遊和合石 - Yahoo! 新聞


咁都得?有冇攪錯呀?!

長州一日遊

難得放長假,玩到幾癲都得!
(我相信呢個係我o地所有人o既心聲.)

星期日完o左崇拜之後,我o地一行8人浩浩蕩蕩出發去長州.(我已經有兩年冇去過長州,上次去長州係去拜年.之後大人同我講o左幾次想去長州玩但係最後都冇去到.)我o地o係尖沙咀上船,先停梅窩再去長州,o係船上我o係黑手黨世界力爭上位,做教父.同行o既T君就不停屠龍,至於其他人做乜我就唔多清楚啦.我o地總共坐o左1個鐘頭船.去到長州第一件搞笑o既事係o係麥記個廁所發生,當時因為女廁排長龍,楊八妹同C小姐確定o左男廁冇人之後極速進入.搞到o係女廁門口排隊o的女士門呆o左,有個阿姐仲忍唔住笑o左出o黎添.去完廁所我o地成班人周圍行,周圍食,我o地行到去東提.然後去o左探我舅公,舅公真係慘!間屋又漏水,佢行路唔方便.佢同我講已經有幾年冇出過街喇,如果以後有時間我真係想多o的探o下佢.我同舅公傾o左半個鐘之後再上路.我o地食o左唔少o野.不過最令我難忘o既,係甜品店o個o的榴槤甜品.我o地8個人之中7個人鍾意食榴槤,嘩!簡直係我命呀!我忍唔住坐開,我離遠都聞到o個陣味!我等佢o地食完之後先敢埋o番叫o野食.到o左夜晚我o地去到目的地,我o地o係間屋入面分開兩批人玩.我o地打橋牌同玩麻雀.(當然係唔玩錢喇!)玩到點半鐘出返碼頭坐2點3個字船出中環.楊八妹幫我o地call o左兩架的士,佢坐一架返屋企,我o地5個人坐另外一部.當我落車前收到消息,楊八妹o個架的士俾人撞o左,不過係o係楊八妹落o左車回程o個陣.好在冇人受傷.我返到屋企o個陣已經係3點幾......

老笠

今日凌晨2點,我公司俾人老笠.所有保安俾人捆綁住.公司夾萬俾人抬走.據聞匪徒為數14人,乘坐一架客貨車到我公司及隔離公司制服保安後大肆搜略.劫去兩個夾萬,期間因我公司保安自行鬆綁並逃脫而極速理開現場.我間房俾人撬開門口,寫字 木台有俾人搜略過o既痕跡.不過冇任何損失.感謝主!如果唔係有人走甩恐怕損失慘重!

忙,忙,忙

其實我好多o野做,不過唔知點入手.我爭人o地好多o野,唔知幾時先可以還得哂.

樣樣都急即係冇o野急,但係所有o野都逼到埋身.今次都唔知點死!

救命呀~~~~~~~~~~~~~~!

orz

最後24小時

o係你人生最後24小時你會點過?
(呢個係我o地小組之前傾過o既話題.)

你冇病冇痛,行得食得玩得.你會同邊個一齊過,去邊度?做o的乜o野?

我會選擇同屋企人,同事,朋友(包括教會o的弟兄姊妹.)一齊去玩,一齊食o野,如果夠錢o既話我想每人送份禮物然後同每個人道別.如果未信耶穌o既,我會同佢o地傳福音.然後要成班人陪住我直至我走為止.

你呢?你又會點過???

塞車

今朝遲o左起身,要搭7點10分巴士出廣州.點知一到廣州大橋塞到陷哂.去到停車場8點35分,跟住開車去到機場路又塞過.原來有o架平板車(香港應該冇呢種車,外型似貨櫃車,不過後面拖住類似拖架,不過冇貨櫃.)打橫 目訓 o左o係度.車龍前面班茂利掛住睇o野,o係度慢駛!真係定佢o地唔順!

慘,慘,慘

今日放工勁塞車,其中一單炒得好勁.我見到有個人 目訓o係地上面,令我諗返起上次o既事.跟住連續見到幾單炒車,廣州o的交通都唔知攪乜鬼.非常混亂!有時真係好難忍!去到KFC前面o個條友死都要人換隻紅色狗公仔俾佢.人o地已經話冇紅色佢又賴死!真係俾佢激死!唔知係我冇耐性定係KFC o既問題,我次次都要等好耐先有得食.食完之後又係等車,我發覺我o既人生充滿住等待.唔知係好事定係壞事.

Old Blog

http://www.bloghk.com/blog.php?user=chasyiu

諗o下諗o下,都係唔將o的舊blog搬o黎呢度喇,如果大家有興趣o既請上上面網址睇舊blog啦!

Thank You!

細屋搬大屋

由今日開始由bloghk搬過o黎,各位多o的o黎捧場呀!

跟住落o黎會將舊blog o既文章搬哂過o黎,攪惦之後正式開張!!