心碎搖籃曲

今日o係網上面搵到checkers o既一首名曲: <心碎搖籃曲>,我記得佢o係我中一o個陣好hit!當時呢首歌仲要係益力多o既廣告歌.當年學校去旅行o個陣o的同學最鍾意帶埋部錄音機去,不停咁播呢首歌.班入面有個女同學(花名叫:姣婆蘭)最鍾意一面聽住呢隻歌,一面跳舞.我當時覺得姣婆蘭同呢隻歌極度污染環境,(姣婆蘭跳到姣凳凳,佢又逼我幫佢映相.成日覺得我映得唔好又要重頭跳過映過.搞到隻歌不停咁播,個喇叭播到又拆又大聲.阿sir望住我o地皺哂眉頭.)但係今日聽返又覺得隻歌幾好聽.(可能而家大慨可以明白o的歌詞講乜呱?!)我真係好想聽多o的checkers o既歌呀!唔知有冇人有呢?