2007年最後一遍Blog

我今年一個人留係屋企渡過大除夕，係08年來臨之際。我決定幫部電腦大掃除！重新安裝Windows。攪左成個鐘頭，終於攪掂！希望新o既一年大家都生活得開心o的，祝大家新年進步！

突如其來o既消息,真係嚇到鼻哥窿都冇肉!

晨早俾老細嚇死!

今朝一返到公司,坐低冇耐老細就入o黎同我講.我個猶太人老細決定唔玩.我當時腦海一片空白,以為自己冇得撈.好在佢跟住叫我放心,因為佢同其餘一個老細決定繼續攪.所以我仲有工返.我即刻覺得鬆哂.識我o既朋友都知道,我好鍾意呢份工.希望可以快o的搵到生意啦.

耶誕天輪樂

連放兩日假期,一於hea o下.

24號

16點放工.返到屋企即刻打機.(大人同大少都午睡中.)夜晚食完飯出去德福行街街同影相.玩完一輪返屋企,我又打機.夜晚熄燈打gears of war真係另舍唔同.玩到1點就返房 目訓.

25號

成日都冇出街,一樣打機度日.曾經都傾過 o下北上.不過最後當然係冇上啦.到o左15點終於爆機.(打o左一個星期就爆,真係冇癮!不過隻game真係好正!)

 

26號

屈o左兩日終於捨得出街,我o地先去何文田探我阿 女麻.然後落旺角.食完晏就行路去尖沙咀,同阿仔o係中間道兒童遊樂場玩o左一陣.仲去埋玩具反斗城添!跟住想話食burger king,點知搵極都搵唔到於是去食美心.點知個飯極之難食!下次都係咪攪!我同大人行到腳都軟埋,不過大家都玩得好開心!

癲狗出籠怒噬狗男女

http://www.mpinews.com/htm/inews/20071223/gb70736w.htm

有冇攪錯呀!點解要咁做呀?!人o地要街已經好慘喇!你仲要燒佢?!為咩呀?!好好玩呀?!你呢對狗男女,捉你去BBQ就哂喇!

嚇醒

今日係星期六,要返半日工.估唔到我o既早晨係會由幾聲悽厲o既叫醒中開始.

o係我半夢半醒之間,聽到一把女人聲.好響好悽厲,最後將我嘈醒o左.正當我幻想自己將一個玻璃樽丟去聲音來源之際.我聽到個女人重覆住呢一句.......

你打X我,你打X我!

頂你個肺!晨早流流打女人?!仲要嘈醒我,我真係想打鑊你!!!!

 

放飛機

今個星期成日俾人放飛機,首先禮拜三本來約好個客上公司傾生意,點知佢冇出現.我俾電話問佢點解唔出現,佢話以為冇約到我.跟住o尋日再約佢下個禮拜,佢話今日一定o黎.終於都係冇出現.......

今日本來大人同大少話返o黎,點知佢話唔返喎.又一單......

仲有一單,不過唔知算唔算.所以都係唔講.

一個人o係屋企都有個好處,就係自由o的.可以打機唔受騷擾,不過個感覺有o的寂寞.

癲狗出籠之教育失敗,失敗教育.

噚日中大畢業典禮攪到一鑊粥就係人都知.

o個班攪事o既大學生讀o既係咩o野書我就唔知喇!

今朝o個個學生代表o係電台度幫噚日單o野辯護用o既係咩邏輯我亦唔知!

我淨係知道而家呢班細路真係好唔掂!你老母打得你少定喇!你o地一句示威自由,言論自由就炒起成個畢業典禮.咁你有冇諗過其他人o既感受同自由呀?!仲有o個o的示威o既畢業生,你到底去示威定去自己o既畢業典禮呀?究竟你班人知唔知自己做緊乜o架?你咁關心個社會就唔該你先學識尊重人o地唔係想做就去做.你認為o的呢個社會環境唔公義,就唔該你俾心機學習同埋去改變環境,而唔係去破壞,騷擾人o地.你有冇諗過你自己畢業o個陣,你俾人咁騷擾法,你又會有乜感受?!你可能唔在乎!不過o個日唔只你一個人畢業囉.有好多人寒窗苦讀,歷盡耕莘.終於畢業喇!終於經歷人生中其中一個光輝o既時刻,但係當佢發現自己個畢業典禮俾你班人攪到咁樣,佢又會有o的咩感受?!你o地可能滿有知識,不過你o地o既行為完全表現唔到你係一個有用o既年青人.而係一班爛仔.你o地咁o既表現同o的狗官,政棍完全冇分別.一樣係輸打嬴要,做事唔顧人感受.大家同類無謂狗咬狗骨喇!

小組小話劇

Part I
Part II
Part III
Park IV
Part V
Part VI

韓燒三兄弟

終於又有機會出癲喇,不過今次就有少少失望.原因就係我幫趁間餐廳有限定顧客逗留時間,所以話如果想知香港o的經濟係點的確好簡單.你留意的士, 留意食肆o既市道情況就可以知道.如果經濟唔好就唔怕你唔最怕你唔走.當然我呢o的高危食客就例牌俾人到實.唔知大家去食韓燒陣最鍾意燒咩食 呢?我今次有好介紹.就係燒蟹蓋喇!不過呢味好菜一出,立即受到在場o既大部份店員注視.並且多次過幫我收火.甚至有店員表示我燒得太大煙連收銀o既位置都覺得好焗!(不過收銀離我九丈遠.)燒完第1 round,大家意猶未盡.sam 記仲發明<強殖多羔蟹蓋>為呢個接近瘋狂o既聚會錦上添花!(強殖者為強行移殖也!即是將其他蟹蓋的蟹羔集中於一個蟹蓋之中.)而當我食完第2 round,店員通知我只剩5分鐘時間.大家甚覺冇癮,但我發現旁邊o既食客開始效法我,去燒蟹蓋.唔知係咪因為咁,而俾人趕我走呢?

一切正常

經過一個星期o既努力(勞力),張終於回愎原狀喇!


乾乾淨淨,做都有心機o的.不過問題係唔知維持得幾耐......哈!哈!哈!

憤怒本性,迅速回歸

吼~~~~~~~~~!!!!!!

真係火都呀!好耐冇好似而家咁好火呀!最初仲可以keep到思想上冇粗口出現,慢慢偶然一句半句,跟住越來越多.今日電話度同個唔肯合作o既人拗完一輪之後仲連珠爆發!好在office得自己一個人,應該冇人聽到.(不過穌哥聽到!仲好清楚添......)

可能呢排壓力大,工作做極唔完.最衰就係好多明明已經放得好好o地,o個個洋人老細突然會攪到亂哂籠.又經常霸佔我o既時間,要我幫佢呢樣o個樣.極之煩!雖然佢o尋日走,但我要重新整理所有,仲要玩大海撈針.加上頭先條茂利同埋其他濕碎個結果就係一個......X字!

我真係好希望呢o的可以快o的解決!(我已經決定唔再埋怨工作.我覺得埋怨工作同公司hea做冗員係極冇癮同極冇意思.)同埋唔好再行返條舊路......

怒漢旺角食遊記

係呀!又係旺角呀!冇計啦,我實在太鍾意去喇!況且我做做得極之down!我一定要調節我o的心情!如果唔係我就會爆發!到時炸親邊個都唔好啦!

我食一串燒魷魚鬚,一串辣魚旦,一串煙肉腸仔卷.同埋一件牛酥同飲兩大罐韓國啤酒添!(死喇!大人知道我今晚咁放縱實大刑侍候!驚驚~~~~!)

返到屋企成個散哂!都係早o的沖涼,覺!

zzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz

癲狗出籠之怒咬政棍!

我份人不嬲都對政客冇乜好感,因為佢去去都係單純為自身o既利益而去做每樣.我認為o的利己不損人o既可稱為政客,至於損人利己或損人不利己就叫做政棍!

近日睇完一段區議會競選o既辯論片段,當中一方候選人全場胡言亂語.以為自己氣勢逼人,甚覺威風!強調自己係讀law o既,比起讀social science o既人更有資格做區議員.自以為自己能言善辯,但係又分唔清咩叫人權咩叫特權.成日叫對手證據去支持自己,搞到辯論變成審判.極之難睇!!

老實講!如果佢當選o既話,以後區議會會議就一定嗌交多過食飯.所有議題冇辦法討論,連傾都傾唔到就唔好講居民利益得到改善喇.

搞公開辯論o既目的係咩?我認為係通過提出對社區內發生o既問題,候選人提出意見同解決方法去令選民了解邊個候選人適合做自己o既代表去同政府講數.區議員係去服務居民,唔係做話事人!唔好搞到好似o的蠱惑仔電影咁!你做o的咩大事唔值得你去宣傳.因為呢o的係你份內事!o的咩減紅酒稅咁o既多餘'政績'更加提都唔好再提!

講返件八...哎!唔係!應該係legal executive先!一時又話自己讀law,一時又話自己係廣播界,究竟係邊樣!自己所代表o既身份都搞唔清楚就唔好理人係左定右!唔理你真癲定假癲,我希望竹園選區o既朋友打醒十二分精神投票!如果唔係......四個大字:自求多福!

香港o既白領生涯

唔經又唔覺回歸香港已經差唔多有半年,生活同工作方面都逐漸適應.我每朝都坐地鐵由彩虹去葵芳,記得以前廣州陣都係坐地鐵返工.感覺上冇乜大分別,只不過廣州冇咁多人坐地鐵陣睇報紙.我每朝都有充足時間返工同食早餐,以前就比較求其兼冇乜選擇.唔係麥記就係真功夫,而家精彩好多!除麥記仲有:吉野家,大快活,Double star........

份工方面都幾有挑戰性,做打雜真係唔簡單!加上轉型.(由工業轉做商業)我覺得日日返工自己好似玩緊飛黃騰達(The Apprentice)咁,好多未接觸過都要頂硬上.不過我一o的都唔覺得辛苦同埋應付唔到,(又係句,比起以前,呢o的屬於係碎料啦!)雖然亦有俾人考起o既時候,但我信心十足!皆因有上面位睇住!

新工作,新環境,新同事,新體驗.

返4日,到而家為止都返得幾開心!開始同o的同事熟落.工作開始忙碌......

老實講,身處女人堆當中多少都有o的唔多自在.我唔係歧視女性,覺得佢唔掂.只不過當佢傾計陣感覺自己唔知點樣咁,如果唔'答嗲'又覺得自己好似個怪人咁.如果'答嗲'又覺得自己好似個'八公'咁.真係唔係好慣.

至於自己負責咩,到而家我都覺得自己係個大打雜!因為我係屬於老細另外一間新公司,老細旗下所有公司都同一間office.而我間公司只有3個老細加埋我.換言之我係一個one man army.所以做濕碎特別多......不過我都冇問題,比起上一份工來講呢o的係小兒科.頂得順有餘,真係多謝 神奇妙o既安排!如果唔係我實覺得好辛苦!

前幾日我睇個好勁o既自製MV,隻歌好勁!特別post上,希望大家鍾意!

無題

今日同大人單程證,遲o的就可以去身分證lu~!望穿秋水!終於等到今日啦!希望佢o係香港生活得開心啦!

大少今日簡直係作反,係香港關口度走走去,又玩人個閘口又大叫.完全失控!攪到我頭都暈!我最擔心佢會o係關口攪事.今日終於發生喇~~~~~~~~~ orz

落車遇到個婆婆,佢問大人邊度有政府醫院.我就帶佢去健康中心,點知因為太晏冇醫生睇.聽阿婆講佢屋企冇人陪到佢睇醫生.(唉~!真係慘,幾唔得閒都應該陪佢嘛!)後來o的姑娘同佢book時間見醫生.希望佢身體健康啦!

返到屋企同老竇傾電話,佢今日俾人偷o左個手機.佢平時好小心!今次真係令我覺得幾心酸.(我唔係嬲佢!只係為佢有損失而唔開心.)佢雖然叫我唔好再買返俾佢,但係我今次又點會聽佢呀?!sam記都好有心!聽到呢個消息之後即刻話要夾份買過部電話俾佢,不過我婉拒佢喇.我雖然唔係有好多多餘錢,不過如果我可以負擔得起我都希望大家生活得舒服o的o既......

離開返工o既大日子仲有3日,我真係覺得有o的開心.因為我覺得自己hea得太耐喇,再hea落去個人會變得頹廢.而且兩日唔埋就俾人圍毆真係頂唔順.......

終於同班百厭星去迪士尼

擾攘咁耐終於同班細路去迪士尼......講真,我本身對迪士尼冇乜興趣.不過我都好想去睇香港o既迪士尼係點o既.

呢度其實搞得唔錯,搞到入場人數唔達標真係可惜.我諗原因可能係因為迪士尼經常'得罪老細'所致,內地同香港o既遊客其實對迪士尼期望好大,但係無奈管理方式'水土不服'細股東惡過大股東.大股東俾人搵笨又闊佬懶理兼無能........(oh!舊病復發.唔好意思!)

講返正題,我唯一有意見o既係 汽水太貴!

有乜理由食塊牛扒要$55,一支汽水要$20??! 真係搶錢!!

問你死未?

病病病病病病病病病病病

今朝起身陣都冇乜,但係突然咳得好勁,好多痰!之後食完個早餐就覺得想嘔.我初時以為自己食得太飽,後來覺得個人暈暈.陣先知係感冒!於是啦啦臨食藥!後來仲發燒,我頂唔順所以入房一陣.老竇同阿媽本來想取消北上,但係我認為自己搞得掂所以叫佢放心北上.

我陣,咁o的電話響過不停.迷迷糊糊叫做幾個字,之後逼自己食3碗米粉.飲大杯水.可能食粉陣出身大汗所以食完之後成個人精神!(不過我認為一定係位聽人禱告o既天父出手我先好得咁快!多謝天父!!)

今晚約楊八妹食飯,我病成咁.到時唔知會唔會俾人串呢?

東莞.謝崗.探仔記. (潮州怒漢見到o的細路都要投降!)

同大少分開咁耐,終於忍唔住要去睇佢!我10點鐘出發去到深圳轉火車去樟木頭.去到已經12點幾,我同大人先去銀行搞o的然後去謝崗.(大人外家)一如所料,度熱到飛起!屋外面當然唔在講!就算屋裡面開行風扇都熱到我傻!死喇!咁熱!點算呀?!唯有嘗試去忍受!到5點鐘,去幼兒院接大少.大少真係好好眼!離好遠都見到我,最初佢喊咁口想走過,但係未夠鐘.老師抱返佢入去.當我入到去接佢陣佢終於認肯同我講.(不過唔知佢講乜?!)

屋企附近有條小斜坡,大少同然然(老婆大佬個仔,今年3歲.)經常度玩.其實我唔係咁鍾意佢度玩!事關斜坡下面係馬路,偶然會有車經過.但係佢成日由度走出去,每次見到佢去玩都會令我心跳加速繼而腎上腺素急升.今次呢兩條友仲踩車衝落去添!衝到落去即時炒埋一碟.(我諗起jackass班衰仔!)佢兩個就笑到癲!我就俾佢激到就癲!唉~~~~~!其他人見到都好似冇乜反應,我真係唔明!係咪要出事先至會有反應?!定係我太緊張?!

另一樣另我覺得不安就係然然,佢最近同大少打交陣竟然出拳兜搥打大少心口! (我當場喝止!)呢件事一直令我覺得憤憤不平,我同大人講過呢件事.但係佢又係覺得冇乜咁!(..............)雖然我明白唔能夠要求一個3歲 o既細路仔會識分事非黑白,但佢有時o的態度的確值得我刮佢兩巴.因為佢唔係我個仔,所以我絕對唔打得佢!加上佢媽媽(阿嫂)對大少極之愛護!例如:有一次大少因為鼻塞,覺陣呼吸唔暢順.當時阿嫂竟然用口幫大少吸吮鼻涕!(雖然核突,但我覺得佢極之偉大!我極之感激佢!)所以我實在唔適宜大人同外家o的人面前講得太多,以免傷害佢.令佢唔開心!我亦因為阿嫂呢一份恩情而立志要對然然好.但係有時都覺得自己幾失敗!穌哥教我要原諒人70個7次.而我連一個細路都原諒唔到!好似有一次當佢沖完涼,佢'現'出個肚腩去向我炫耀件新杉上面有6架車仔陣.(呢件衫係我買!)我即時覺得眼火爆之後仲串鬼佢!佢囂張o既表情加上不可一世o既態度,我認為佢真係應該慶幸自己唔係我個仔!而我眼中佢只有係病或者係求你買陣先稍為表現得可愛.其餘時間只會令我搖頭嘆息!(大人都知道我唔鍾意佢咁樣,所以佢勸我要扮睇唔到,聽唔到.)不過諗深一層有時自己都係咁樣對天父.......

雖然天氣太熱,每日都扯火,加上大人竹戰連場.(我份人極之怕嘈,不過唔知點解又鍾意聽rock同heavy metal?!)但係我今次都有歎世界o既時候o既,例如:晚晚同阿豹,阿哥佢飲啤酒,燒食啦.夜晚去有冷氣o既旅館啦,當然唔少得同大人,大少過天倫之樂啦!今次真係冇錯!(雖然肥返.)

希望下次再見到個'串姪'o既時候,自己會變得大量o的啦!

癲狗出籠------細路都唔放過?!

今日睇報紙,見到兩單令人扯火o既新聞:

1. 10歲女學生輪為同學仔性奴(!?)

有冇搞錯呀?!點解咁細個o靚仔會去強姦人呀?!重要學校發生?!究竟出o的咩問題呀?老竇,老母唔識教仔?學校唔識教學生?社會風氣太差?我讀得書少,唔識答.唔知中大學生報班友識唔識答?

2. 山西奴役童工

呢o的人有冇人性?!細路仔咋!個個都有老母生!你唔只傷害條o靚仔,重傷害人成家呀!我不嬲認為o的拐子佬/婆抵死!呢班人重抵死!!不過殺死你實在太便宜你啦!正賤喳!

無業遊民,退休生活

自從返香港之後,我一直過住類似退休o既生活.每日都過得好悠閒,有時甚至覺得有o的無聊.我其實冇唔開心,不過唔知點解成日都周身唔聚財咁.(莫非奴性發作?)晚晚發夢都會夢見舊公司o既人同事,為唔好丟懶個人我特別為自己編個時間表.企圖令自己能夠振作一o的!後來發現個時間需要改善,希望今次能夠做得好一o的.(合理一o的!)

為符合大部份o既入職要求,我嘗試學習倉頡輸入法.由於我一直用廣東話輸入法,所以需要努力去適應,對我講一個安靜o既學習環境好重要.當我前日(13/6/2007)開始背口訣陣我就深深體會到呢樣,因為當日樓上整日不停傳源源不絕o既噪音.令我有投訴o既衝動,不過諗深一層.如果人家因自己投訴而無法開工,咁人點完成工作?於是就放棄呢個念頭,雖然咁嘈,但感謝 神!因為我咁o既環境之下終於能夠將口訣背好!

除學習之外,我亦都安排自己每日都要去外邊行.我相信咁樣做對自己絕對有益!當然啦!以我今時今日o既身份同地位,使錢呢樣動作就好似拆炸彈一樣!要極之小心!講到底我呢個'long vacation'都唔知有幾'long'!如果小心o的就絕對冇問題,否則......

呢度我特別要多謝各位關心我o既朋友,同埋幫我代禱o既弟兄姊妹以及幫我搵工同留意消息o既朋友!無論點樣(結果係點.),我都好感激大家!能夠認識大家係 神俾我一份好大o既祝福!多謝你!

搬屋

終於要搬喇,真係好唔捨得啊!連大人都覺得可惜!不過勢估唔到一架車竟然搬唔哂?!於是叫多架車,由朝早10點開始搬,搬到夜晚7點.大人,阿豹同阿群坐私家車,我同外父跟貨車.熱到抽筋!

第二日大人執發現,唔見部PS2,我個電鬚刨同埋OAKLEY背囊!哎~!真係'上屋搬下屋,唔見一籮穀!'

走人

31/5/2007

終於到last day,心情有小小矛盾.畢竟度12年,回顧以前o既日子好似發一場夢咁.另一方面又好想快o的返香港展開新生活.

老細為我攪歡送,重代表公司送個'老人牌'俾我!我重飲唔少酒,不過冇醉!

我雖然離開公司,但係我依然希望公司能夠繼續進步.大家做得開開心心!

離走人o既日子重有1日

今日(30/5/2007)我繼續將我手頭上o的文件交俾清姐佢去清理,佢一路執,我就繼續攪部電腦.過晏晝我教佢點樣send e-mail同用msn.佢都好快上手,同時又問好多問題.我都一一解答哂.之後吹成日水.

到放工時間,我同鬼佬John去一間Irish Pub食晚餐同飲.我一直都鍾意去pub多過去bar,我覺得pub o既氣氛特別好!我同阿John傾成晚,話題都係離唔開出trip做service遇到o既騎呢人,騎呢事.而當中都有唔少笑話,阿john講句說話係我好認同!佢話:'呢度(中國內地)係一個瘋狂o既地方,只有o的瘋狂o既外來人先至會呢度做!' 我大笑一陣然後我回應佢:'呢個地方係一個毫無驚訝o既地方,因為所有令人覺得驚訝o既事情呢度都會變得合情合理.'之後大笑繼續.

除此之外佢重認為我o既關係好比退役戰友,因為我一齊捱過好多苦.而呢o的苦係外人冇辦法去明白o既!

離走人o既日子重有2日

今日(29/5/2007)正式開始交接,我叫清姐同阿珍將部電腦搬入Office.然後將所有文件交俾佢處理,分類.我就幫佢開e-mail account,download o的有用o既software.我搞成個晏晝都未搞掂......

佢執o既期間,發現我有20蚊夾o的文件當中.唉~!呢個係我其中一個不可思異之謎.我家大人經常性係我o的衫,褲度執到錢.尤其係冬天衫!我暫停冇辦法解釋呢個現象o既成因,不過呢個的確係我為人大懵o既證據!

由於我冇需要用電腦,所以聽日開始我就可以輕輕鬆鬆咁返工喇!YEAH!

離走人o既日子重有3日

今日(28/5/2007)係last week o既第一日,朝早返工陣遇到塞車.因為今朝要早出車所以唔可以遲到,當我去到停車場見到架車開出.我即刻衝上車,心入面不停咒罵個司機.我只不過遲3分鐘,咁都唔等我?!我覺得佢係故意咁做,我唔知道我幾時同埋點樣得罪過佢.正常情況之下冇理由唔等我!我個心由朝早開始不定時咁鬧佢直到放工陣都未鬧完,我知道咁樣係唔o既.我向 神禱告希望自己停止咒罵,不過自己一直都放唔低......

今日亦係開始交接o既日子,工作方面都好順利.我真係希望o的投訴我離開之後先好發生!

離走人o既日子重有4日

今日(28/5/2007)阿嫂幫我接大少去東莞,條o靚仔成日'幫手'執真係唔係辦法!加上搬屋陣佢度就更加麻煩!我臨出門口陣,我叫大少同間屋講拜拜.聽完佢講之後覺得個心有種酸酸地o既感覺,覺得自己欠阿仔!不過唔知佢明唔明發生緊o的咩事呢?

最初我怕大少唔肯跟阿嫂走,相反大人就覺得應該冇問題.去到車站阿嫂抱住大少入閘,條友仔不單冇扭計重好開心咁同我揮哂手講拜拜.又俾大人講添!後來同阿嫂通電話,佢話大少坐車陣好興奮添!聽到之後成個人安樂哂!

離走人o既日子重有5日

(因為屋企cut上網,所以呢編blog係星期一寫o既)
今日係星期六唔使返工,朝早7點幾醒唔.房睇睇電視聽到外面'卡卡'聲,出去睇原來係基基醒想落樓梯.於是去抱佢落去,老婆煲雞粥.一家三口食飽飽之後開始執屋,到10:00志強call我.話俾我聽佢去蓮香樓飲茶,於是我極速換衫出街.臨行前大人提我今日最好著涼鞋出街,因為我搵唔到襪唯有乖乖聽話.

幾經波折終於去到茶樓,見到一大班熟識o既面孔非常開心!飲完茶之後出發去北京路,點知行行落傾盆大雨!還好我個個都做足準備,如果唔係就慘喇!我冒住大雨去初地鐵,一到地鐵站大家都鬆一口氣!

去到北京路場雨細好多!大家心情冇受天氣影響,當我行完北京路之後發現到間小肥羊執苙!冇計啦!唯有坐地鐵轉的士去寺右新馬路間小肥羊啦!

我一共有8個人,食唔使300蚊人仔!個個飽到上心口,之後再坐的士去東站.(有4個人要返hk,有3個人留低繼續玩.)去到車站重有成個鐘,於是去starbucks飲咖啡.飲完之後就各行各路lu.

離走人o既日子重有6日

今朝都要帶個返公司執,本來想坐7:10巴士.但係幪查查上7:00巴士,當架巴士一出到大路就見到開始塞車!我心入面立即感謝主!因為佢令我唔哂因為塞車而遲到!

今日公司冇乜特別發生,不過我又執一堆出,睇星期一,同星期二又要帶裝lu.

到16:00個天又開始黑,之後重落雨添!唔知又要落幾耐呢?

個頭痛成日,都係啪兩粒p仔止痛先!

離走人o既日子重有7日

今朝帶埋個行李箱返工,因為要將o的私人物件帶返屋企.返到公司一落車就見到S先生,佢見到我就問我今個禮拜返唔返HK?又問我住個箱係咪要執返屋企?跟住佢就一輪嘴係咁勉勵我,又話我返HK定居係'人之常情','人各有志'.我當時淨係同佢講到句'多謝'就講唔到乜,事關佢一路講一路行.當佢講完陣個人已經行好遠......

返到Office冇耐鬼佬John氣沖沖咁走入,佢同我投訢工場o的人落錯料攪到o的product由綠色變藍色!佢想我問清楚點解會咁樣.於是我就搵工場主管T先生問過究竟,佢答我因為貨倉發貨條友冇返所以自己料,料陣錯.落料之前又冇睇清楚所以咪攪成咁.歸根究底都係鬼佬邊唔因為佢冇人發貨!(?!)唉~!其實做錯唔係大問題,不過錯之後唔知錯咩,重要死撐就真係離哂大譜!所以我贊成阿John寫信俾老細投訢.到晏晝我同老總C先生講呢件事之後,佢同我講話會同T先生傾.然後要T先生寫Report解釋事件經過跟住公司會出封信俾阿John同佢道歉.我真係好欣賞C先生o既做法,咁先係做大事o既方法!唔似以前D先生咁!對錯不分,希望T先生吸取今次o既教訓以後好好管束佢o的同事喇.

執搬屋

呢兩個星期都冇返香港,留廣州執屋.上個禮拜執書今個禮拜執DVD同CD,點解我會有咁多牒?因為我係廣州最初5年係宿舍獨居o既,當時(最初期)我間房冇電視天線,我只可以睇VCD過日子.跟住隨住時代進步VCD就變成DVD,我週末o既時候有時會去中山探老竇同阿媽.去到中山除係食之外就係去掃DVD.買買就咁多喇.我執牒陣發覺原來我重有好多戲未睇,不過暫時冇得睇住.希望以後有機會啦.

生活雜記

工作

自從辭工之後心情一直都好好,好多都睇開.不過都重有煩!唔知點解o的人到而家都重咁依賴我.(好心你爭氣o的啦!我唔幫得你幾耐!)唉~!到我走之後你班友都唔知點呀!交接o既工作未正式開始,原因係公司未正式通告有人事變動.其實我唔明公司點解咁耐唔公布,更唔明我o既繼任人點解咁執著一定要有白紙黑字先肯交接?!(老總已經通知佢會接我個位.)今日係新廠奠基o既大日子,老細叫我唔好出席奠基,因為到時會拜偶像.如果人人'裝香'我拒絕會好尷尬,雖然覺得有o的遺憾但係我覺得老細係出於對我信仰o既尊重.點都好啦,(係唔係都好啦.)一切順主旨意!

生活

近日執屋準備要搬,唔怕老實講我真係好怕執同埋唔識執.

噚日因為公司停電所以放假一日,我中午去同實驗室班友仔食飯.跟住返屋企執,執執將o的慢畫書入哂箱.我執方面有一個好大o既問題,就係我好容易執到迷茫!執執唔知應該點執落去,好多時我執變搬.(將堆係咁搬來搬去,唔知應該執去邊度.)到夜晚大人睇唔過眼終於出手喇!佢執我o的手尾,唔使一陣就搞掂!重要幫我慳兩個箱!(真係勁!)大少因為成日走幫手所以俾我又打又鬧!我脾氣太容易暴躁喇,大人重擔心我返到香港生活之後會成日鬧交!(唉~!我又係衰o的o既......)

最近阿秋官主持'謎',我本身都幾鍾意睇佢.不過睇少少就有熄電視o既衝動!因為佢同另一個主持人成日做埋o的唔知咩o既手勢,非常之扮同難睇!重要加個'懶'性感o既'謎女郎'!睇見都打冷震!成個節目都唔知點摘稿,郁就'呢個係一個~~~謎!'好煩,成日詞不達意.聽極都唔明,好心無線認真o的喇,唔好當觀眾係白痴!

社會現象

中大學生報單擺明就係學生唔喇,佢死唔認錯真係令人擔心同氣憤.不過o的人係咁打擊佢就真係唔係辦法!你係咁打,佢就係咁撐.有乜謂呢?應該俾個機會佢同埋教佢明白佢錯邊先得嘛!當然最重要係令佢明白每個人要為自己所講所做o既負責任!做錯唔可以搵藉口.要知道自由唔係等於亂.如果個個為自己o既自由做自己認為o既咁個世界會大亂喇!要好好珍惜學習o既機會同時間,好多人想讀都冇得讀呀!唔好浪費社會資源呀!

今日上網發現一件令人擔心o既事,原來有人投訢舊約聖經內容不雅?!點解o的人可以咁做?!呢個社會越來越變態!

辭工

上個星期五我約老細傾計,我首先講明辭工o既理由,然後交辭職信.我一直都傾得好好,雖然佢覺得我賣樓,辭工都唔事先同佢傾而感到唔開心.但係佢都冇埋怨我o的咩.其實我覺得我咁做係好正常,或者我咁做會為佢帶一o的麻煩,但係一個月前通知係絕對足夠.

我一直都好感激佢咁照顧我,雖然我同佢會意見不合,佢又成日我令我好痛苦難過.但係我依然佢係一位我所敬重o既長輩.

我今次同佢傾o既過程之中,獲得o左一樣我夢未以求o既,就係佢對我咁多年為佢工作o既認同.以佢一個要求咁高o既人來講能夠獲得佢o既認同實在唔容易,我覺得自己冇遺憾.佢一直認為贊賞下屬工作會對下屬冇益.老實講,我絕唔認同!我認為適當o既贊賞對同事講係一支強心劑,能夠有效增進彼此關係以及可以推動同事更投入工作當中.試想你跟住個老細佢一o的都唔欣賞你所做o既一切.你無論點做都唔可以令佢滿意.你會覺得點?你覺得忿怒,因為你覺得佢o既要求唔合理.之後你會覺得極之沮喪,最後你會想放棄.其實好簡單o既一句:做得好!/加油!/繼續努力!已經好有power,何需吝惜?!

滿足

今次返真係正喇......

去哂想去o既地方! 山頂,MK,TST,長州,Sam記屋企......

食哂想食o既! BK Burger,張記魚旦粉,花園牛扒......

做哂想做o既! 同老婆,阿哥阿嫂一齊周圍玩,辭工,剪頭髮.......

買想買o既! B鞋,C&C First Decade.



當然!唔可能乜都滿足到,所以做人要知足!

香港三日兩夜大玩大食勁精華遊

香港三日兩夜大玩大食勁精華遊

有興趣睇相o既,click上面張相.

第一日:謝崗-->皇崗-->鑽石山荷里活廣場-->九龍灣-->屋企-->旺角-->廟街-->尖東-->中環-->花園道-->山頂-->屋企

第二日:屋企-->中環-->長州-->觀塘APM-->九龍灣德福花廣場-->屋企

第三日:屋企-->九龍灣德福花廣場-->鑽石山荷里活廣場-->九龍塘又一城-->深圳羅湖

咁都得?

http://www.singpao.com/20070427/local/913175.html

熊貓都睇相?o的瘋水佬想上位o的方法真係層出不窮.......

前一排有個瘋水佬同大人講,話阿大少餐餐唔食飯,晚晚唔好喎.唉~!你唔好話佢有眼耳口鼻?吹水!

特別推薦,美味晚飯

一魚兩食,清蒸+刺身!(好!)
講完俾部長知,完全冇反應.(夠冷靜!)

癲狗出籠之------公共交通工具上令人討厭o既行為

排名不分先後

1.柱霸 ------- 條柱係俾人住,唔係俾你!你o既車費唔係包埋條柱!

2.一字馬 ------- 有位你就坐好o的啦,最憎o的人擘哂一字馬咁!

3.un腳 ------- 好心o的發明家發明o的un腳充電機/發電機啦,o的人un得咁犀利一定能 夠產生好多電力!坐佢隔離覺得好似地震咁,坐耐o的都驚佢震壞我個 腦呀!

4.嗝吐! ------- 用德文叫人小心/留意o既發音真係好似吐痰咁o既聲,事實上o的人隨地吐 痰你真係要小心!o的人好奇怪,嗝吐完之後重要用鞋底磨下o的痰?!聽唔到 你o的嗝吐聲都冇覺得咁核突呀,睇到你咁磨法真係嘔心x2!

5.物件擬人化 ------- o的係俾人坐!個袋輕o既咪攬住佢囉,重o既咪放落地囉.地下污糟?你 唔好話俾我知你攬住佢覺喎!

6.霸 ------- 正常講人類o既生理構造係只有一個躉,(我唔敢講一人只有一個屎忽,因 為咁講太粗俗喇!)所以一個人只需要坐一個位就夠喇!坐超過一個位o既人 好明顯唔係正常人,可能身體有缺憾.如果唔係咁o既原因而坐超過一個位
o既就一定係鬼,由於佢用個屎忽坐所以個學名叫做屎忽鬼.(請high light)
7.黃金右腳 ------- 唔一定係右腳,有時可以係左腳.甚至兩隻腳.都唔知點解有o的人坐車要除 鞋?仲要晾上去前面坐位.(唔講咁detail喇,諗起都唔舒服!)

8.唱K ------- 聽歌就聽歌啦,唱k就落mk!塞住個head phone唱得難聽又唔知,有時唱一 句又唔唱一句.諗住佢唱完啦,點知突然無厘頭又唱一句,最怕o的人rap周杰 倫!半夢半醒之間以為自己去大酒店.

9.大聲講電話 ------- 電話壞就整返佢或者買過啦!

10.7-11口 ------- 不停傾計,煩到你暈!把口好似7-11咁,唔識閂門!帶住head phone聽歌都一 樣聽到你把聲!講唔使氣,真係想幫你停止呼吸!

Numb by Linkin Park

呢首歌係我o既至愛之一,我覺得歌詞表達到我o既感受.


I'm tired of being what you want me to be
Feeling so faithless lost under the surface
Don't know what you're expecting of me
Put under the pressure of walking in your shoes
(Caught in the undertow just caught in the undertow)
Every step I take is another mistake to you
(Caught in the undertow just caught in the undertow)
I've become so numb I can't feel you there
I've become so tired so much more aware
I've becoming this all I want to do
Is be more like me and be less like you
Can't you see that you're smothering me
Holding too tightly afraid to lose control
Cause everything that you thought I would be
Has fallen apart right in front of you
(Caught in the undertow just caught in the undertow)
Every step that I take is another mistake to you
(Caught in the undertow just caught in the undertow)
And every second I waste is more than I can take
I've become so numb I can't feel you there
I've become so tired so much more aware
I've becoming this all I want to do
Is be more like me and be less like you
And I know
I may end up failing too
But I know
You were just like me with someone disappointed in you
I've become so numb I can't feel you there
I've become so tired so much more aware
I've becoming this all I want to do
Is be more like me and be less like you
I've become so numb I can't feel you there
Is everything what you want me to be
I've become so numb I can't feel you there
Is everything what you want me to be

癲狗出籠之------政棍!

話說星期六日坐巴士經過mk,見到馬路度掛住張banner.寫住某某議員成功爭取------減紅酒稅.(?!)

乜呢o的係政積o既咩?!好偉大喎!我要唔要跪謝你呀?使唔使送花俾你呀?no,no,no!一朿花太失禮尊貴o既議員喇!一於豪o的送個紅磡手製大花牌俾你!我諗好多人實鍾意o既!

呢o的所謂'議員',(一部份人)真正為市民做過o的咩呀?你晚晚飲紅酒你知唔知道有唔少人晚晚都要執紙皮先可以糊口?如果你將減o的紅酒稅救濟呢班有需要o既人,咁就真係為市民做喇!最弊呢班人為自己目的成日度攪亂社會,叫佢做政棍絕不為過!

其實你做係咪要咁晒出?可況你冇做過咩實質?!

有時候做實驗係一個自殺o既行為.........orz

今日有個客call我,要求我除去產品包裝中其中一樣包裝配件.但係冇o個配件會令到包裝紙下沉入去件產品入面.(件產品屬於流體.)處理得唔好會引起投訴!到時肯定俾老細到體無完膚,甩皮甩骨兼搖搖欲墜!我嘗試同佢解釋罐運輸途中會引致包裝紙下沉,但係佢都堅持要咁做.冇計啦!唯有要老細出馬啦.點知佢叫我帶埋罐坐車返香港喎! (o_O) 嘩!簡直係謀殺呀!罐好重!加埋我部電腦同埋其他......今次大鑊!

orz

望穿秋水

噚晚上網查到大人個單程證批喇!我就好開心,不過佢就冇乜感覺.

我結婚有5年,同其他Case比較佢算係快.

其實內地人又好,香港人又好都冇乜分別.不過香港人暫時講出入境比較方便o的.

聽到好多case話個老婆落香港之後就家變,我真係好同情o的老公.但係事情總有兩邊o既.

好多人認為香港男人娶國內女人係因為香港男人條件差或者係香港女人難相處所致,我就對呢個講有保留.

要拗呢樣真係好無謂兼且係推卸責任,不如真真正正咁檢討自己點解搵唔到另一半重好啦!

好心做壞事?有心做壞事??

http://hk.news.yahoo.com/070404/12/2513n.html

呢條友都唔知想點?真係做好事o既使乜攪到咁大呀?唔知劉華有咩反應呢? 如果我係劉華我實忍唔住講句:嘩!阿楊生!乜咁大整蠱呀?!我今次唔得你死喇......

尋找快樂的故事

o尋晚我一班組員去睇戲,睇Will Smith o既尋找快樂的故事.(The Persult of Happyness)套片係講一個男人事業失意,經常冇錢養家.佢努力求變,但係老婆終於頂唔順離開個男人.個男人一個人帶住個仔經歷好多o既痛苦,最後守得雲開見月明,生活終於有改善.

呢套戲真正帶出o的咩信息,我未能意會.但係主角o既感受我就能夠體會,成場戲都攪動我o既心靈.主角每一次失意o既遭遇都叫我回想起自己一個又一個事業上失敗o既回憶.

希望--->失望/錯敗--->無奈--->意志消沉--->沮喪--->從新開始.

呢個過程,一次又一次發生o係主角身上.亦都係我現時人生o既寫照.主角有一句說話好令我有共鳴.當佢見到街上o既人笑住咁返工,佢就講:'o的人咁開心,我都好想好似佢咁呀!'呢一句說話好似一支利箭狠狠地插正我痛苦o既根源.教堂內詩班所唱o既詩歌,歌詞令我好有感動.不過對於呢o的情景我應該會流出淚水,但係今次冇.唔知我個人係咪已經變得麻木呢?

我好欣賞同佩服主角永不放棄o既態度,換轉係我我都唔知會點.不過我好慶幸自己o既處景俾主角好好多.最少我唔係'人又老.錢又冇,老婆又走路!'

真小人,偽君子

今日睇完呢段片,覺得呢個社會越越病態.

http://www.youtube.com/watch?v=v0vwAcE7Rd0

睇完之後我認為以下人等最抵打:

1.拍呢條片條茂利------ 人嘈交你拍乜鬼呀?拍賣俾報館,電視台賺錢呀?!搏上鏡呀?!好做唔做重學人做訪問?!重衰到去煽動人去'噓'條四眼仔?!想點呀?!攪氣氛呀?!你估家陣開party咩?!遇著o的惡人你敢唔敢拍呀?!因住俾人當你係潮州牛丸咁------>dup足成朝呀!最憎你後面句'80幾歲人搭巴士都冇位坐,真係可憐!'你好假呀!

2.四眼仔------ 自己做錯度死撐.又報警又剩,o的態度寸到無輪.阻自己又阻人. 都唔知你報警為乜?(喂?!999呀,我坐巴士唔讓位俾個阿伯,佢'蝦'我呀!快o的救我啦!)

3.坐旁邊又多多講o的乘客----- 你咁睇唔過眼又唔見你讓個位俾阿伯?!正一大隻廣!

又去旺角

終於真係返到喇~~!

今朝同老竇去太子Nokia睇手機,行行見口渴買之可樂ZERO飲.(味道麻麻!我寧願肥都唔再飲佢lu,除非冇得揀啦!)之後部電話去SE服務部修理.放低部機之後行一陣,本來想買4GB手指不過唔捨得.睇錶原來到食晏時間,一路行一路諗想食乜.突然間又'痕痕'想食回肉客飯同鍋貼.於是憑記憶去位於旅行社附近o既一間上海舖.點知見到裡面冇客人,冇燈光,蒸籠冇煙.睇怕係未準備好,所以我冇入去.我附近行一陣,突然我見到佢......

一間我中學時代好鍾意去o既餐廳,見到佢執苙覺得好可惜!讀書陣每日中午我都去呢度食飯.由於自己性格關係,唔識同人相處.所以冇乜朋友,通常都係自己食飯.(我當時做風紀隊長,作風極之死板.)去到度見到都係自己學校o既同學.大家可以試想一下,旺角要食飯有幾難呀?但係成間餐廳都塞滿人就可想而知間餐廳係幾咁受歡迎.我最記得我最鍾意食佢o既香腸牛扒飯,$15連湯連餐茶仲送雪糕添.係咪抵到爛呀?

行程繼續......
我最後都食到回肉客飯同鍋貼,唔......我本身食冇乜要求,同埋唔係咩食家.但係我呢餐食得好開心!我食量唔大,一餐只係食一碗飯.到上菜陣先記起客飯係一兩飯.(死喇,我重叫埋鍋貼添喎.食唔哂點算呀?我唔想呀!)但係我竟然食得哂,重飲哂o的湯!

食飽飽之後行o左一陣街街,去哂想去o既地方.重要等多兩個鐘先有機,於是就去一間漫畫書坊.到又有得上網,又可以睇漫畫,仲可以睇vcd.每個鐘只係$10,好過周街行呀!我睇o左套vcd,上一陣網.點知後面條四眼仔突然鬼殺咁嘈,大大聲講粗口.不停打個keyboard,好似痴咁.破壞哂o的氣氛!唔理你,我走!

完機返屋企,今日真係玩得好開心呀!

唔知講乜好

最近兩日發生一o的事,令我唔知講乜好......

有日太子爺上了解工作進度,到陣已經係下午3:45.結果我只係傾半個鐘.因為公司車要提早離開,所以我就走喇.聽聞老細之後入過,重同o的友做成個鐘頭'肺部檢查'.班友話俾我知陣,我感到唔知講乜好!

星期五日諗住返香港,平時我要坐地鐵轉火車.我突然'痕'起上坐直巴返香港,經過兩個幾三個鐘旅程.到達皇崗口岸,正當我為到旅程時間縮短而感到滿意之際.我發現自己原來冇.帶.證.件!天啊!點解會咁?!!
我真係唔知講乜好!

今日我同個姪仔玩玩陣,俾佢用粗口鬧我!(WHAT?!)佢只有三歲,我以前都試過俾人用粗口鬧過.但係第一次俾個咁細個o靚仔鬧.當我同大人講話我未試過俾細路用粗口鬧過之後佢竟然答我:咁你咪試囉!(!!)我........唔知講乜好!


orz

灰~~~~~~~~

唉!上星期俾老細完,個心一直重屈住屈住.講真!佢又唔係完全唔,只不過重手o的.

原來一句說話係可以有咁大o既破壞力,可以傷得人好深.雖然叫自己唔好咁在意,但真係好難做到.本來想趁住心情唔好就去做想做o既事,但係都忍得住冇做到.(唔好誤會,我唔係想做o的咩壞事.)一直諗住寫一封信,呢幾日都不停諗緊點寫.老婆同阿仔呢幾日都玩得好開心,我o既肉體雖然同埋佢一齊玩,不過個心就好似坐緊監咁.直至有一日,我身處陽光之下.聖靈感動我,佢俾我明白一樣. 神o既恩典就好似陽光咁包圍住我,我可以唔使感到擔心同傷心.之後我心入面向 神傾訴我o既苦況......

感謝天父!我而家好o番哂啦!

睇完呢四條片之後,真係佩服o的工作人員.

地鐵夾親我個仔一
http://www.youtube.com/watch?v=nbNW4ZBBzQ4

地鐵夾親我個仔二
http://www.youtube.com/watch?v=T_hvXTvLHiA

地鐵夾親我個仔三
http://www.youtube.com/watch?v=s_hbt3tQV1k

地鐵夾親我個仔四
http://www.youtube.com/watch?v=JamxCq6rSOo

返工囉!

過完年假今日終於要返工囉,今日返到公司老細就派封利事俾基仔.重問我sam記有冇細路.(難得佢咁有心,不過我都識做.我見到太子爺都'醒'兩封利事俾佢.第二個冇!)之後佢拜偶像,老總突然叫我裝香.不過佢見我擰頭就記起我信耶穌,當場同老細講: '呀!係喎!佢唔拜呢o的個喎!' 我心入面為佢禱告,希望佢明白佢唔係拜真神,一塊紙板係幫唔到佢.都係人造o既偶像.師母最近同我分享一段聖經,我好有同感:

詩篇 135篇

135:15

外 邦 的 偶 像 、 是 金 的 銀 的 、 是 人 手 所 造 的 。
135:16

有 口 卻 不 能 言 ． 有 眼 卻 不 能 看 ．
135:17

有 耳 卻 不 能 聽 ． 口 中 也 沒 有 氣 息 。
135:18

造 他 的 要 和 他 一 樣 ． 凡 靠 他 的 、 也 要 如 此 。

希望佢會明白啦.

農曆假期,玩到飛起!

年初一

同大人,大少返外家拜年.行程算係幾順利!

返到去一大班親戚一齊開飯.大魚大肉,飲飽食醉.大人開,細路爭玩,你推我湧.尖叫追逐.我就打機,一局之後又一局.

年初二

大人細路,又再繼續.我又一樣,一局之後又打一局.午飯晚餐,大啖鵝肉.飲醉食飽,嘻戲追逐.

年初三

早午晚餐都係鵝肉,食飽覺.老婆開局.納粹未死,我又繼續.殺戮,殺戮由9至6.飲到嘔電,至晨六.

年初四

日日飯局都有鵝肉,食到怕怕!都要繼續!玩得開心,唱k開局.

年初五

日日鵝肉,終於結束.返到香港,老友有局.好耐唔見,仲係咁熟.

年初六

入去長州,拜年入屋.出返港島,大啖牛肉.探親拜年,夜晚繼續.

年初七

假就放完,繼續忙碌.早餐食麵,落滾水漉.聽日返工,忍耐繼續!

Yeeeeeeeeeeah! 放假lu!

今日開始放假,正呀!

個肚已經冇痛喇,o尋日谷住,谷住咁好唔舒服.痛到我分唔出自己肚痛定肚餓,o尋晚祈完禱覺.今朝醒就覺得乜事都冇.(感謝主呀!)之後覺得肚餓,就食兩個蘋果同一個公仔麵做早餐.(不過有個蘋果粉粉)我諗住晏出街行,然後去接大人同大少.今晚返屋企提早團年.

病即是福?

我o尋晚開始見唔舒服,痾水同暈.(感謝主! 神讓我可以早收工,如果唔係重辛苦!)今朝起身,個人重係好唔妥.於是同公司請假留屋企休息.話就話休息,屋企兩件o靚仔拆屋咁嘈叫我點喎?!中午食完飯上房睇一陣電視,我公司o的同事打電話俾我.佢話老細今朝佢一餐,我當時心諗好在我今朝冇死頂返工,如果唔係我都幾慘!其實今朝起身陣都好有掙扎,究竟自己應唔應該返工呢?我問 神,佢叫我今日可以.但係佢俾我唔代表今日唔會有問題,因為係兩件唔同o既事.老實講要班友代我俾老細我都有o的難過.(奴性發作??)不過等佢知道我個位唔易做都好.

而家老婆同阿仔都返鄉下成間屋都靜哂!

重有兩日就放假,點解我覺得o的時間咁難捱呢?

orz

咁多樣,你做過邊樣?

1. 玩米缸，將手插入米缸裡面o既米裡面篤下篤下。
有!

2.在百貨公司入面篤扶手電梯旁的吊牌。
都有,事後俾老竇同阿媽剷添!

3.地下有階磚時，特登隔一格一格o黎行（不可踩界，要完全在格內）。
有,証明我為人正規.

4.用錶面反射陽光，照o黎照去。
有,到中學重有玩.

5.跳樓梯（愈多級愈勁）。
有,跳完陣重好有成功感!

6.行路上高起左地方（例如高起左o既長條型石博），好似玩平衡木咁行法。
有,重成日跌落.

7.鋪張紙在硬幣上面，然後用鉛筆係上面油，油返個形出o黎。
有,我相信個個都有.

8.食完瑞士糖之後，將糖紙包番個原本四四方方果個形出o黎。
有,不過唔成功.

9.超級市場踩住架購物車o黎行。
冇,因為冇膽!

10.踩水"tum"，係好特登果隻。
有,整污糟條褲俾阿媽打!

11.吹口水波。
冇!咁核突!

12.搣牆上的乳膠漆或牆紙。
有,我細過都幾手痕.

13.係平滑o既地面上面跣下跣下咁行。
有.

14.整濕o的紙巾，掟上學校廁所天花頂。
冇,咁無聊!

15.食完綠箭香口膠，一定摺返成張包裝紙，再放返入個大套入面。
有,重呃到人添!

16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出o黎，睇下個粉刷中邊個。
嘩!玩到咁大鑊未死過呀?!

17.放膠袋（當風爭咁放）。
有.

18.去後梯執咸書睇，將睇完的咸書撕開飄落街。
冇.(有睇不過冇掉落街.)

19.貼張龜仔紙嚮o的同學個背脊度。
有.

20.踩人地個影。
都有.

21.狂踩人地對白飯魚，尤其是大肥仔果o的。
有,我細個唔係肥仔.

22.用幾條橡筋射o的同學。
有,有次重爭o的射死佢.(講笑.)

23.掉人地門口的拖鞋落街。
冇.

24."Mung"消防喉，射水落下面個球場，睇下射到幾遠。
冇. 屙尿鬥遠就試過.

25.嘗試用「念力」整彎湯匙。
有.

26.用氣鎗射街上的途人。
冇.

27.玩千揪，"fing"到咁上下就飛出去鬥遠。
冇,因為怕死.

28.落樓梯時坐係o的扶手上面"sir"落黎。
同上.

29.在自動梯行相反方向。
有.

30.把「誤投信件」或沒有用的宣傳單張，胡亂放入其他的住宅信箱。
冇.

31.坐地鐵時，抓緊中間的扶手，地鐵一開動博命繞住轉（自轉）。
個個細路都有,好似遺傳咁.

32.在月台上鬥快跑。
冇.

33.係被竇入面開住電筒扮露營同埋o係入面食零食。
自殺行為,冇!

34.用圖釘弄穿學校壁佈板。
有.

35.亂按人地既門鐘，然後鬆人。
有.

36.明知過左三歲，仍然吾買飛，「捐」地鐵既入出閘機。
冇.

37.不小心塗改液（很舊的有一個掃那種）塗在手上，然後用附送的天拿水，搽在手上以圖弄去改液。
有.

38.用歡樂天地等既硬幣當一蚊用。
冇,我細陣冇歡樂天地.

39.煲蠟。
有!勁鍾意!

40.把汽水罐靜雞雞放在校車的車輪下攝住，開車時把它壓扁。
冇.

41.用螢光筆油指甲。
冇,通常咁做會俾人笑你係型!

42.向學校d木台上面畫公仔。
有.

43.用電筒∕雷射筆射落街或者照住d路人。
有.

44.搣碎d紙巾，然後拋出窗。
冇.

45.巴士一開車，就同佢鬥快跑（最終當然唔夠快啦）。
冇.

46.落雨擔遮，懶係型咁轉把遮。
有.(咁做真係好型呀嘛!)

47.見倒d矮過自己既人行緊過黎，會好自然"gut"高d行。
冇,矮人唔會打人?!

48.將擦膠碎「初」成一粒黑色物體。
核突!

49.玩冒險樂園o的遊戲（例如籃球或保齡球），企o係最高或企o係跑道o既最尾玩。
冇.

50.地鐵出閘果時「捐」過閘口，拎走張地鐵飛當地圖。
冇.

51.屋企冇人果時，對住塊鏡學人跳舞∕做戲∕唱歌。
有.

52. 同細路爭一d無聊野，例如「美少女戰士角色︰sailor moon係我既, 火野麗係你既」或「四大天王，黎明係我既，所以你唔准鍾意黎明，你鐘意郭富城啦」。
冇,我唔睇sailor moon又唔鍾意黎明,郭富城.

53.玩廁所水。
冇.

54.去到公園，係咁撕百千層d樹皮落黎。
冇.

55.慢慢行近麻雀到，企圖捉住佢地。
有.

56.係街見到狗就扮貓叫，見到貓就扮狗吠。
有,因為想問佢:家陣幾點?

57.趴o係地上扮死，想嚇阿媽阿爸。
有,不過有弄假成真o既可能性.

58.畫花報紙或書上既畫，為人物加牛角或者胭脂等等。
有,咁好玩!

59.拎d元寶當船放o係水上玩或者拋落街。
有,當時覺得摺船仔複雜過頭.阿淨係食接元寶咪諗住試,點知俾佢發現......

60.用條繩吊d野到落去住下面o個戶人既窗前，然後"fing"來"fing"去，引人注意。
有.

哈,哈,哈

今日係newsgroup睇件一遍幾好笑o既文章,想同大家分享!

出自newsgroup.joke
發文者為:let's go rock n roll !!

巴斯光年殺左條龍之後變左咩？殺龍巴斯

有一日公仔軟糖行行下路，行左一陣，佢話：「我隻腳好軟」

當你看完A片後要作什麼？看B片！VCD是分開兩隻的唷~~!!

有一日小明行行下街果時覺得隻腳好酸，原來小明踩中左舊檸檬

咩植物識溜冰？花，因為花式(識)溜冰

皇后似咩？似廣場，因為皇后像廣場

有一塊火腿同一條腸仔放左落同一隻鑊度，點解佢地唔傾計？因為佢地未熟

讀完中五讀乜？讀下午

點解唔可以係船上講笑話？因為個海聽到會笑，咁就會引起海嘯

食乜野昆蟲會瘦？蟻...因為食蟻瘦

用身體上邊樣野可以修飾雙手？答案係毛髮（毛髮可修飾的一對手）

機械人最鍾意扮咩？扮焦

1+1 幾時會=3？錯個陣

我：佢做咩啤住我地佢：因為佢係熊仁

明仔：爸爸，點解會有兩個朗拿度？
爸爸：一個係朗拿度，一個係 C.朗拿度
明仔：咦，三國時代都有兩個馬昭喎
爸爸：邊度有呀？
明仔：一個係馬昭, 一個係司馬昭...

點解d雀跌左落海3次唔死，一跌第4次就即刻死？因為「有隻雀仔(1)跌落水、(2)跌落水、(3)跌落水，有隻雀仔(4)跌落水，被水沖去」

福爾摩斯同華生去露營，帳篷搭好後，他們就入去訓覺，到了半夜，福爾摩斯突然把華生搖醒，並且指著滿天星星對華生講：「華生，你望著滿天星星有咩感想？」
華生看後就說：「睇到滿天星星，令我覺得人類真是渺小...我地應該好好珍惜我地的生命...造福社會....為世界盡一份心力 !!!咁福爾摩斯，你呢？」
福爾摩斯瞪著滿天星星，佢話：「我地個帳幕被人笠左呀...」

華盛頓砍底左佢老豆既樹，點解佢老豆冇鬧佢，仲讚佢乖，話佢誠實？因為華盛頓果時仲拎住個斧頭

america(美國)這個字的由來：哥倫布有一次出海，佢ｄ水手見到一片新大陸，就大嗌： 「呀！咩黎咖？」所以個片大陸就叫做a me ri ca

長頸鹿條頸咁長係因為佢要食樹上既草，越食越高，條頸越伸越長。咁猩猩個鼻哥窿點解會咁大？因為佢D手指好粗

樹邊部份最得閒？葉！因為「葉得閒」～

月經來為什麼不能吃健達出奇蛋呢？因為會讓你驚奇不斷...

鯊魚食左紅豆會變咩？紅豆沙～

估一句英文：「ABAABBBBBBBBABABAAAAAAAAABBBBBBBBBBBBABABAAABAAAAAA」。
（Long time no C）

有一日，火柴人行行下街覺得個頭好痕，跟住ＲＲ佢，之後個頭著火～咁就死左lu～

小明自己做暑期作業，第二日，佢死左，因為自作業，不可活。

唔好笑?咁我幫你唔到lu,咪鬧我!

我投降啦......

有o的客戶要求甚高,我好難去滿足佢o既需要.我而家真係唔知點做好......

算把啦,我都係睇點樣去搞掂呢單吧啦.

乜都冇哂喇~~~~嗚嗚嗚嗚嗚嗚嗚嗚嗚嗚嗚嗚嗚

o尋日返到公司發現部電腦入唔到window,後來證實冇辦法復原於是忍心重新安裝.我所有file都冇哂,包括我最愛o既劇集同阿仔o的相&video......

冇陰功呀!

開拖

今要坐地鐵轉車o個陣爭o的同人開拖......

我當時o岩o岩落樓梯,我感覺到有人不停o係我後面推我.行行o下見到前面有兩條友拉住個袋,咁我咪繞過佢o地囉,我後面o個條友咁o岩俾我食住個位.跟住佢好快咁過我頭重啤住我,我見到佢o個對濛濛眼我就覺得佢唔係好惹.我唔知點解突然間爆o左句:痴線!佢立即又擰轉個頭再啤住我,之後上o左車.我當時好嬲!如果佢埋o黎,我可能會同佢打過.不過好在佢冇o者.

我真係從來都冇試過想去打人喎,我做乜o野會咁諗呢?

重慶之行

今次個trip真係'興'過'辣雞'!首先係代理商放我o地飛機,搞到我o地要坐4個鐘頭'野雞'巴士去另一個山卡啦地方.(重要係夜晚坐車!)半夜3點去個客度做service,做到5點收工,然後一直昏迷到中午11點.同o的客食飯,吹水.然後又坐返4個鐘頭巴士返重慶,返到去同個縮骨代理商食麻辣火鍋.我同佢o地講返咩情況.(原因係使用不當.)點知佢竟然認為我o地逗留時間太短冇解決到問題!(o個件牛皮燈籠點極唔明!)我俾佢係咁'省',又唔可以還火.唯有谷住度氣嘗試心平氣和解釋俾佢聽要個客按正確方法使用o的產品先可以解決問題.佢先慢慢接受.o個個死縮骨婆,見我唔食o野就同佢老公講話我未解決問題所以冇心機食o野.佢老公重話我掛住老婆同仔先至冇心機.(自作聰明!你係咁'省'我,我點食得落呀?!)好在有穌哥安慰我,如果唔係我都費時o徙氣去點著o個兩個牛皮燈籠.索性一把火燒o左佢算喇!返到o黎要寫返份report俾個客,今日一隻字都未寫聽日開始要搏殺喇 !

請假,執屋

sam記前一排搬走o左,帶走o左一大堆行李,我同老婆諗住就o黎過年不如提早大掃除啦.於是由星期六開始進行大執屋.我o地兩公婆負責執屋,老竇阿媽就幫我o地睇住基基呢個百厭星!我o地總共執o左兩日.最激氣就係辛辛苦苦咁將部電腦搬出廳,但係部腦唔知點解冇o左display!(激氣呀!)而家焗住用部laptop上網.(不過好爽!)今日執到晏晝覺得自己執得太晏,於是同老總請定聽日假(29號).佢問我點解請假?我當時唔知點答佢,咪話俾佢聽屋企有事囉!(唔通同佢講:我要執屋咩?!)雖然佢問我請假o既理由好正常,(掉轉o的友仔請假我都會問佢o地理由啦.)但係我個心覺得有o的顧慮.怕佢諗埋一面.希望我返到去o個陣佢唔好再問咁多就好喇,回想自己o係公司做o左十年.一直都好少請假,通常都係請病假.(感謝主!我身體都好健康,好少病痛.炒車o個鑊另計!)除o左有一年請o左7日去日本玩之外就好少請假.所以我覺得今次請假唔算過份,但係個心重係有少少不安.或者我份人太緊張喇!唔知咁樣屬唔屬於奴性重呢?

又要出trip喇~~~~~~~~~!

過兩日又要去重慶喇,今次主要係去見o下客同o的客傾o下計.因為某個原因我覺得今次個trip好重要.希望事事順利,同埋平平安安啦.

早兩日同大少玩o左3,4轉騎馬仔,俾佢騎完之後成個人散哂!星期四o個日仲成身冇力添,本來星期五要去同太子爺試新配方.但係個人重係好唔舒服所以去唔到,不過聽我同事講試驗結果幾理想.當堂舒服哂!

24又返o黎喇!睇o左4集覺得今個season劇情緊湊o左好多!(期待,期待!)

強力推介

我老死個blog,大家有興趣o既話去坐坐啦.

http://hk.myblog.yahoo.com/monstertong


去搗亂都得o架!

心淡

唉!今日又俾老細丙喇......

佢唔明o既,我又點會明呢.

佢每一次出o左事之後都問點解,我又何嘗唔想知點解?!

老實講如果我事先知道點解會出事,我就唔使咁愁啦.

唔係話你唔丙得我,只不過好多時o的o野都係大家都唔想.

你叫我有乜唔妥要指出o黎,唔好包庇任何人,我真係咁做你埋又係叫我唔好賴人.

對你o黎講手掌又係肉手背又係肉,我篤o左出o黎又可以改變o的乜o野呀?!多一事不如少一事呢鑊我硬食算啦.