離走人o既日子重有4日

今日(28/5/2007)阿嫂幫我接大少去東莞,條o靚仔成日'幫手'執真係唔係辦法!加上搬屋陣佢度就更加麻煩!我臨出門口陣,我叫大少同間屋講拜拜.聽完佢講之後覺得個心有種酸酸地o既感覺,覺得自己欠阿仔!不過唔知佢明唔明發生緊o的咩事呢?

最初我怕大少唔肯跟阿嫂走,相反大人就覺得應該冇問題.去到車站阿嫂抱住大少入閘,條友仔不單冇扭計重好開心咁同我揮哂手講拜拜.又俾大人講添!後來同阿嫂通電話,佢話大少坐車陣好興奮添!聽到之後成個人安樂哂!