無題

今日同大人單程證,遲o的就可以去身分證lu~!望穿秋水!終於等到今日啦!希望佢o係香港生活得開心啦!

大少今日簡直係作反,係香港關口度走走去,又玩人個閘口又大叫.完全失控!攪到我頭都暈!我最擔心佢會o係關口攪事.今日終於發生喇~~~~~~~~~ orz

落車遇到個婆婆,佢問大人邊度有政府醫院.我就帶佢去健康中心,點知因為太晏冇醫生睇.聽阿婆講佢屋企冇人陪到佢睇醫生.(唉~!真係慘,幾唔得閒都應該陪佢嘛!)後來o的姑娘同佢book時間見醫生.希望佢身體健康啦!

返到屋企同老竇傾電話,佢今日俾人偷o左個手機.佢平時好小心!今次真係令我覺得幾心酸.(我唔係嬲佢!只係為佢有損失而唔開心.)佢雖然叫我唔好再買返俾佢,但係我今次又點會聽佢呀?!sam記都好有心!聽到呢個消息之後即刻話要夾份買過部電話俾佢,不過我婉拒佢喇.我雖然唔係有好多多餘錢,不過如果我可以負擔得起我都希望大家生活得舒服o的o既......

離開返工o既大日子仲有3日,我真係覺得有o的開心.因為我覺得自己hea得太耐喇,再hea落去個人會變得頹廢.而且兩日唔埋就俾人圍毆真係頂唔順.......