我最愛的本地金曲(一)

我鍾意o既本地音樂唔多,因為我偏好節奏強烈o既音樂.所以選擇有限,但唯獨80年代一o的本地band o既歌曲使我心醉.近期youtube發現其中一o的歌.想同大家分享,亦都想年輕o既朋友知道點解o的人話而家香港樂壇已死.各位聽過就明白喇!

午夜怒哮

最近發覺屋企頭,一到深夜就有人發癲!繼上次個女人俾人打狂叫之後同埋元旦有條癲佬語無倫次大叫之後.噚晚又一單.......

噚晚3點幾,樓上又唔知邊個度鑿.隔離個大叔好大聲用粗口鬧佢.重覆兩次.我其實係俾阿叔嘈醒.我當時真係好想用大聲粗口鬧佢兩個!不過我冇咁做.終於到4點先得!

不過講返轉頭,樓上鑿條友已經鑿好耐喇,傳聞間屋外面仲裝cam添.......

驚喜

今日網上面睇到呢段片,我見到一個我好欣賞o既結他手.我諗我可能因為可以同佢較量彈結他o既技術而去買呢隻game.(不過我唔識彈結他......)

終於有做喇!

hea咁耐終於有做啦!
o尋晚之前,我向  神祈禱,我同  神講:求令我有o的做,唔好日日公司hea啦,我真係覺得頂唔順喇.我唔係要同呻不過我咁落去唔係辦法.今朝返老細就俾一o的我跟仲揀好款叫我send俾客,下午仲要去MKo的表格添......
嘩!正呀!咁先至係返工嘛!希望快o的搵多o的客,再多o的做就好喇!

2008年首個工作日

本來今日應該幫人做兄弟o既,但係之前老細話今日要開會所以唯有銷假.點知到而家為止都冇開會o既跡象.兩個老細都出街......真係唔知講咩好!

2008年第1篇blog

噚晚玩到4點先,今照醒已經係11點半.我決定今日唔出街,留屋企hea足成日.

上網,打機,睇電視,睇戲咁就過一日.今日除係元旦之外仲係我o既好巴打生日,做巴打o既就緊係要同佢講句生日快樂啦!我同佢吹一陣水,跟住就繼續hea.

咁o既生活睇好似好悶,但係偶然一日咁樣o既生活令我感到自在.不過一日好啦,再多日可能頂唔順.