冗員之苦, 討價還價, 當聽老人言

冗員之苦

雖 然而家有一個客手,不過對比其他同事講.我的確空閒好多,見到佢個個要OT.我就日日將o的拖長做,希望令自己唔好咁快就無所事事.心入面的確 唔好受!可能好多朋友都覺得我呢份工真係夢寐以求.但我覺得好辛苦!我o既耐性每日都減少,而難過o既心情同埋無奈每日都增加.我知道我呢份人最缺乏耐 性,極之討厭等待.可能我而家經歷o既正正就係天父要我學習o既功課,要我學習交託,忍耐同等候......


討價還價

我老竇最近有一個令我覺得頭痛o既問題,就係唔肯食.成日求其食o的就當食飯.最近同sam記傾過,而家識得點樣'對付'佢.於是我買飯盒o既時候就順手買多一盒,咁佢又會自自然然食哂佢.

今 晚我放工返到屋企,我問佢食飯未?佢話食緊.我再睇真o的,原來食緊花生?!於是我就同佢講,我落街買個飯俾佢食.佢話唔使.我就緊係唔肯啦,佢再同我 強調話佢唔使食飯!叫我唔好買俾佢食.我就答佢:哦,好呀!(我同時又擺出一副'啋你都傻'o既表情)佢立即sence都有唔妥,於是立即衝過捉實 我隻手,同我講:!唔好買飯俾我呀!你一係去麥記買個飽俾我得喇.(咁都有得講數?!)於是我就買個飽俾佢.


當聽老人言
食 完飽之後,我講返日頭返工o的俾佢聽.佢聽完之後提我一句:小心!唔好俾人影響你呀!我聽完之後當場有種'當頭棒喝'o既感覺!原來自己好努力咁令人 認同自己o既過程中,努力同其他人建立關係o既同時.自己已經放下對撒旦o既防備!雖然我100%相信當事人唔係想跣我.但係對於自己o既鬆懈實在不能 接受.強烈反省中......