大刑侍候 豐富早餐引致倒'寫'籮蟹(?!)

大刑侍候
越來越識.有次大人有樣睇我唔順眼,於是就搵基基呢條o靚仔做打手準備教訓我.大人口痕痕講句:大刑侍候!基基就用佢阿叔o既絕招'車輪拳'打我!(不過因為佢未識握拳打人,所以車輪拳變做車輪掌.)佢一邊打,一邊不停講:大刑侍候,大刑侍候!!大人覺得好出奇,因為從來冇教過佢呢句說話,更未試過真人示範.基基竟然完全get到哂句咩意思.我當時心情更複雜!一邊見到掌如雨下,感到痛楚.同時亦因為基基突如其來o既攻擊感到錯愕!

救命呀!

豐富早餐引致倒'寫'籮蟹

呢件事要由呢碗通粉講起.......

話說日朝早,大人一早起身整呢碗粉俾我做早餐.(罕有地!) 食完之後就返工.到食飯時間就收到大人o既電話,佢話條門匙反鎖屋入面.叫我借sam記條鎖匙返去救佢!(鎖屋入面條鎖匙就係我條鎖匙,至於點解我條鎖匙會借俾大人?因為太長編,所以唔講.)於是我就去搵sam記,到鎖匙之後即刻飛的返屋企開門.然後飛的返公司!咁搞一搞就唔見180大洋!零用錢唔多o既我一日間竟然使接近200大洋真係傷,(不過好在大人俾返我.)而且仲要受sam記一腳 '七旋斬'!呢真係慘!(好痛!)