無言

牧師終於要離開教會,我好感謝神讓我有機會可以親口同佢講聲多謝!對於佢o既離開我感到無言,雖然知道佢將要離開o既消息已經係有一段日子.但係到而家我o既心情都好似未平伏落.佢 o既教導一直都深深o既影響住我,同時佢亦都同我一齊經歷我人生中好多唔同o既起起跌跌.例如:結婚,受洗,大少出世,事業上o既高峰,人生o既意外,大難不死,人生o既低潮,感到沮喪o既日子,回流香港,搵工,搵到工......等等. 
佢o既鼓勵,安慰,教導同代禱,俾到我好大o既力量同支持.當然我知道我o既幫助從何以來!但 神藉住牧師,師母到加力量俾我,使我可以一步一步行落去,的的確確係 神對我一份好大o既祝福!
至於牧師,師母離開o既原因,牧師崇拜當中簡單o既分享過.原因同我估計o既差唔多,至於我o既感受.我唔打算多講,反正講出既不能改變事實亦對人無益.唯一可以講o既就係今日o既結局有 神o既旨意當中,除事情o既結果之外亦有一o的事要各人學習.但願我各人都能夠明白同吸收到教訓.
祝福牧師,師母一家.
祝福教會,傳道同工,執事們.
祝福各位弟兄姊妹.
阿們!