遠征意大利-10日

今朝晨早7點起身,整呢整路搞到7點10個字落樓坐車返教會.今日我負責早堂power point,希望趕得切同敬拜隊夾下敬拜詩歌.返到教會,敬拜隊已經開始練習.今日同我拍檔o既係C先生,佢知道我仲未係好熟個流程所以好細心教我同幫 我.講真自從上次搞到雞手鴨腳之後,我曾經覺得失去做好呢個崗位o既信心.不過經過今次之後我o的信心好似返!而事實上除C先生o既幫助,我亦 開始前為自己禱告.唔係因為怕自己再出醜,而係想為主做得更好.(事實上我事奉o既出發點就係為主,所以我明白我個老死點解咁勞氣!)

崇拜完之後,我一家去拜阿爺.(當然我三個係按照自己一套去紀念先人.)然後去sam 記屋企.本來諗住探佢就算,但係佢極之客氣招呼埋我食晚飯.佢呢排真係好辛苦,希望佢快快請到人,等佢可以,陪老婆.同我癲晚!

時間一日一日咁過去,聽日勁多做.要搞掂o的訂單,同埋繼續去準備展覽會.

離遠征仲剩返10日.