星期日

今朝7點幾醒,一直上網直至10點20分先死落去搭車返教會.去到車站等4個字先有車.返到教會睇到週刊即時俾佢嚇親!又一個傳道人要離開.我衝口 講句:又走多個?!搞咩呀?!當時我敬拜o既情緒即時受到影響,但之後聖靈同我講:你要克服你o既情緒,因為敬拜係為 神而設.唔好因為情況唔合你心意而去影響敬拜!但係我始終都集中唔到精神......

完崇拜之後同班弟兄姊妹食飯,其中有個姊妹提議去 深圳書城.但最終一如我所料:計劃流產.去唔成深圳唯有自己行街.我搭港鐵去太古城,行3個鐘之後又去銅鑼灣行到5點幾坐107返屋企.落車之後順便去 剪埋個死人頭.之後去惠康買食,我屋企附近只有惠康比較似樣,商場間百佳又細,種類又小.有時仲見到過期貨添!係我就執鬼佢冇咁嬲!!我好耐冇試過 今日咁行咁耐啦.好!所以今晚要好好補充先至得!








<登,登,登,登!今晚o既晚餐!辣辣牛仔粒配香滑薯蓉再加我o既至愛!>

30分鐘之後全部消滅哂!