D先生呢排日日激我!
先係因為改單令我做到隻狗咁.
然後因為加工損耗率,不停咁咿咿哦哦.(呢次加工o既損耗率不能預計,但係硬係要人預計.到最後我都係冇答案俾佢!)
今日又輪到時間觀念問題令我發火!
話說今日佢話要落實顏色配搭,佢應承1800之前同我聯絡,我答應等佢.點知1830都未見影....到1845佢打我手提口吻好似怪我離開office.我真係火都埋!成日好似大少咁,乜都要就佢!跟過佢account o既同事無一唔用粗口鬧佢!佢成日都問點解,其實答案佢度!
人又狗!對佢o的要好小心,尤其係價錢.今日對佢張PI就發現價錢計算有問題!成日出埋o的小蠱惑想搵jackso!佢同公司關於銀行戶口o既問題又想我幫佢跟,我啋你都傻!一於扮傻,乜都唔識!我幫你跟單,唔係你私人助理!由公司去地鐵站一條大直路都話唔識行要我接佢,我摺埋你就得!
或者之前老細同同事太好人,所以佢蝦得就蝦!你遇著我潮州怒漢算你倒霉!我唔係靠惡,只不過我唔會咁就你囉!
其實大家互相尊重同埋幫對方設想根本就可以好好相處!
近排多事發生,首先係阿群生o左個女.母女平安!(感謝主!)恭喜,恭喜!大人同大少屋企醫院兩頭走.忙過不停! 
<BB女取名:琇如,極之可愛!>
另一方面,我終於完結放逐生涯.由房仔搬出寫字樓,肥瘦老細齊齊搬入房!搬遷行動足足搞一日.星期一搬台,星期二搬電腦.加上大量客戶要跟進,所以晚晚要OT.由於係長命功夫,所以如非緊急我一般都會OT至8點左右.新工作環境相當唔錯,工作大好多.極之舒服!(呢張係瘦老細之前用o既,所以唔會差!)但係肥老細入房之後,立即將百頁簾拉高,正正對住R小姐,可憐o既R小姐搞到唔知點好.(老細到實,好大壓力!)我就MSN同佢講:我除恭喜之外,真係唔知應該同妳講咩好!佢當場俾我激到又好嬲又好笑.食飯陣仲話我好賤添......
其實俾肥老細搞到唔知點好o既,仲有我.無啦啦走抄我o的板,搞到亂哂大籠!於是我又要從新分過.....其實我今日到搞點兩個半case,身體雖然疲累,但精神上仍然處於興奮狀況!
<新大好多!不過依然係亂!>
先旨聲明,呢編係我冒住生命危險所寫o既一編blog.志在提供一下笑料,絕非惡意抹黑.大家睇完,笑完就算喇......
大人點解可以制服得到我呢個潮州怒漢呢?其實係因為佢有好多古靈精怪o既招數.我即管同大家分享其中較為命o既招數.
1.睡眼惺忪辯論戰:趁你得最舒服陣,搞醒你.同你討論一o的具爭議性o既題目,令你就範.疲勞轟炸!打擊睡眠!我懷疑佢以前受訓於美國中情局.
絕叫程度:
X 3
2.撐你眼皮,話之你死:可配合第一招使用,同樣又係趁你得最舒服陣撐開你眼皮,強行將你由睡眠狀態變成醒覺狀態.逼你同佢'傾計',一個字慘!
絕叫程度:X 4
3.熱力攻擊:炎夏當中,切斷冷氣供應!
絕叫程度:X5
4.分分鐘需要你:無時無刻都會call你,無輪咩時候,咩情況都需要你!深夜時份問你幾點.
絕叫程度:X6
5.母子同心,打到抽筋:聯合大少無情力力量,左右,上下,前後夾擊!
絕叫程度:X 7
基於大人已經發現我寫佢o的好人好事,今次講到呢到,如果唔死下次繼續....
尋日補半日假,連埋今日總共兩日.辛苦咁耐,終於有得!一心諗住可以開住冷氣,盡量,盡情去自由城橫衝直撞(打機)如果喇,口渴喇就整杯冰凍啤酒或可樂.或者同大少玩火車頭,都係一個唔錯o既休息方法.(因為星期一又要搏殺.)可惜......
尋日晏晝成班人!有大有細,嘈喧巴閉!打打機都要停落俾佢睇電視,跟住搞一輪就走.屋企即食麵存量減至50%可樂存量全滅.(我唔係計較,只不過反映情況.)
走之後,以為又再可以.點知大少o既座駕出現故障,又要工具落街修理.整冇耐大人見我開始唔耐煩於是叫我返去先,我返到屋企又繼續打機......
大人返到第一時間熄冷氣.(熄冷氣?!妳唔怕熱咩?!妳唔怕,我怕呀~~)到8點幾9點佢又落街,正當我打算上網之際電話又響起.今次話冇帶錢落街,想食麥記冇錢買.於是我又落街,跟住佢仲話要玩多陣.我就返屋企......
唉!休息仲慘過返工!~~~~~~~~~~~~~~~~~~
各位老友,我今日真係發揮潮州怒漢o既本色!
我開始寫blog咁耐未試過好似今日咁開兩篇blog去鬧人.
近排發生一件事,對我o既情緒造成好大影響!
我知道伸冤在主!我亦相信神係行公義好憐憫!我今日同有關呢件事o既人傾過,我預計過事件o既結果.如果真係咁,我真係會極之傷心,難過同埋劇痛!
人o既貪念係會造成極大o既影響力!殺雞取卵,拔苗助長呢o的咁蠢o既行為原來都不停有人做.
對於因為小小利益,而做出一o的愚蠢o既行為.
我感到無言,
究竟呢o的人幾時先會醒?究竟佢會唔會理會俾呢o的行為影響o既人?(緊係唔會喇!
會就唔會做埋呢o的事.....)
神呀!求求施恩憐憫我,
叫果o的人知錯!
你點解要咁做!
大家老老實實去為你,你竟然咁樣對我?!
你有冇放我在眼內?!你咁樣對得住我咩?!
以前人點講我都當閒言閒語,原來你係咁o既!
對你好失望!以為你老老實實,原來專搵笨實!
你以為你好叻咩?成日想進步,查實係原地踏步!
到而家為止仍然可以挽救,快o的醒返做o的.
做人唔能夠只為自己,你拜乜都冇用呀!!!
交換日記
今日A小姐同我講,話佢想update 佢個blog.想記錄o番去米蘭o既趣事,我好願意咁將我個blog同佢分享.佢又即刻share返佢個blog俾我,我最初寫blog果陣曾經都怕老細或同事搵到我個blog.但係而家諗法改變o左,事關我個blog冇咩o野係唔可以俾人知.亦都冇任何人壞話.只有我個人感受.我相信冇人可以追究人o既個人感受,所以我share得好放心.
殘樣示人
今日大家一齊食飯果陣都覺得我呢排個樣好殘!事實上我出trip出得好密,去完意大利又北上再加上前晚飲醉酒.爭o的做o左o的唔應該做o既事.所以而家好殘!我好想今個星期六補假,希望批啦.
私人空間
呢排成日OT,尋日北上完O到10點,今晚好o的O到8點幾.返到屋企9點幾,食完飯一陣就要 目訓覺.我覺得自己冇哂生活同私人空間.希望自己快o的忙完,過返o的正常生活......
四川地震,一幕又一幕令人流淚o既畫面盡現眼前.一個個家散人亡o既災民,一個個失去雙親o既小災民.令我感到心痛.每一次天災過後都會展現出人性o既美善同醜惡.見到o的救援人員(包括:軍隊,警察,醫護人員,消防隊同埋外國救援隊...等等)日以繼夜搜救生還者,照顧災民.我致以最崇高o既敬意!令我印象最深刻o既有幾位:
1.軍人本色:帶住物資去災區行好遠路o既阿兵哥,一句:我們是軍人,不怕苦!令我非常佩服!
2.空降部隊:唔怕死,甘於冒住生命危險空降災區!
3.女警奶媽:自己o既bb都冇去餵,而去餵其他冇o左媽媽o既bb.
4.悲傷女警:失去母親,女兒但仍然去盡力幫助災民.不辭勞苦.
5.救助同寮o既軍人:手足之情令人感動!
誰說中國人是醜陋的?!
不過有o的人o既行為,言論就非常之唔要得:
哄搶物資,冷血言論(竟然用色情o既眼光去評論女警奶媽!),發國難財,亂發信息......呢o的咁o既人渣真係要去餵狗!
除四川令我心痛之外,仲有一個地方令我感到痛心同難過.但係我講出o既話影響同牽連好大,所以如果想知就用私人回應,我會一五一十答你.
今朝8點先起身,仲係好想落去.最初好驚自己會遲到,不過諗返起老細話可以返晏o的去適應時差,所以就慢慢去洗面刷牙換衫返工......
返到公司已經9點10個字,(嘩!破哂記錄添!)執好張就正式開工.一直做呀,做呀,做.......好快就到食晏時間.我同A小姐,R小姐本來打算去pizza hut食晏但係等好耐都未到我.(等一張)所以就...... 
食完之後繼續做,做,做........然後放工!
今日A小姐其實好唔開心!因為佢俾某人逼得好緊要!對於某人我都有o的意見......
我去工幹期間某人過我個位,開過我部腦.
不過可能因為我用密碼鎖個system佢開唔到又唔識熄機,所以部機可能連續開幾日.
(佢應該怕熄電源會整壞部電腦.)我覺得私隱被侵犯,再者佢平日言行舉指極之莽撞!好多時製造o的鑊出同埋傷害到人!佢o既言行同佢o既身份好唔配合.我有時都俾佢搞到雞毛鴨血!
我其實可以呢個blog到指命道姓,我絕對唔怕,
況且以上所講o既係事實.不過我唔想影響A小姐所以決定唔開佢個名同身份......
好眼呀~~~~~~~~~~~~~~~~~!
朝早仲頂得住,晏晝就料!本來仲諗住搏命,都係早o的返歸算喇.
不過今日有一個特別o既消息,就係我可以脫離放逐o既生涯喇,事關老細決定調我出外面坐,佢坐我間房.(太好喇!咁至係嘛!)
今日稍為整理過o的,緊開始忙!(呢樣又係我所期待o既!)
Niko,唔好意思!我今晚唔可以同你去自由城為非作歹.....
首先要感謝主!跟住要多謝咁多位代禱天使!呢次全程都極之順利同平安!預計o既壞情況完全冇出現,每日雖然疲累但係都好愉快!工作方面都有好o既成果,我亦深深體驗主當中o既帶領同保守.
感受主o既保守係一種上等o既福份.
同當地人溝通係一個困難.
冇入去米蘭大教堂係一個遺憾.
同老細J先生,同事A小姐同甘共苦係一個愉快o既經歷.
認識T先生一行人係一種榮幸.
面對國際舞台係一種考驗.
失敗係成功之母,努力同忍耐乃係成功
o既兄弟.
全部相片可以到下面網址觀看.
http://www.localguy.net/pshare/album796
玩夠,食夠之後就返酒店行李.
先飛英國,然後轉機返香港. 
你睇!A小姐幾開心!
起飛喇! 
到英國,有一件怪事發生.首先降落之後發現可能舶錯位!之後又話條通道唔夠長,然後又話條通道爛......
最後要坐巴士返候機大樓. 
去到安全檢查,我件手提行李因為有支電茼(3c mag-lite)俾人扣留.最後安檢主任話冇問題就俾返我.
呢度要讚一讚佢地,佢地查我件行李陣好斯文.查完之後一件一件好好咁放回原位!
我到最後先買到架Thomas火車俾大少,之後我上機返香港.大少,大人接我機.好開心呀!希望佢鍾意o的禮物啦!
今年仲有一個香港展,出年3月可能再去米蘭展.聽日(15號)返到公司大把做,不過我到而家都唔到覺......
終於都到返屋企o既時間喇,心情冇乜特別.希望可以快o的適應時差.(事實上仲未適應到.)我朝早9點就去米蘭大教堂,去行街街!我好想入大教堂,但最後都冇去到.J先生買幾個LV袋(幫人買)同領帶,A小姐就買波衫同圍巾俾佢男友.我都買兩個袋俾大人.我仲同P先生會合食個靚午餐添.
名店街一角 
米蘭大教堂 
靚靚午餐 
我唔只識扯火,仲識笑添.
食咩好呢?
食完飯會合T先生一行人,去大教堂景.仲有食雪糕!
待續......
