遠征意大利-1日

聽日(應該講聽晚先.)就要出發,心情有少少緊張.今日極忙因為要做最後準備,成日冇乜點停過,雖然有同事想出手相助,但係大家都忙.冇辦法!

兩個老細就成日嗌交,唔係為錢就係為呢樣樣.我覺得佢極煩!佢兩個今朝又嘈,呢次仲搞埋我,兩條友先一人一句,跟住就同時問我.(注意!係同一時間!)我已經一頭煙,仲搞o的咁o既!

今晚做到10點先搞掂9成,淨o的留返聽朝.我仲未買齊,最重要o既插座同平安葯都未買.

大家可能想知我今日忙o的乜,我今日除執之外仲要整理o的樣板.要幫佢清潔,編號碼,排靚靚,映相,包裝,標記同點數.大大話話今日執200幾個樣板.......


(是日晚餐:豉汁肉片飯.)我對豆豉冇乜好感,但係冇得揀!

11點先返到屋企,沖過涼,同大人,大少傾一陣電話.食少少,入油(飲啤酒),祈禱,覺!

離出發日(D-Day)仲有30分鐘.......