仲有今日係整理o既好日子,我張好亂.唔執好我就冇心機工作!搞一陣終於執好張,裝好哂o的 show case就開始打PO.當時已經係12點半......
到1點15分,R小姐笑住咁入.笑住咁問我:你咁慘呀?!做乜唔走得呀?!(衰妹!幸災樂禍?!
)我答佢:噚日個客confirm張PI,要打PO.佢聽完之後跟住好開心咁走.(再講一次,正衰妹!)而其他同事都陸陸續續放工.最後剩返我一個......於是我就開大個電腦喇叭!
播放我最鍾意o既hard rock!
皆因我聽住呢o的咁重節奏o既歌就會發揮我最高效率.(越嘈越好!
)如果有其他人度我就一定唔會咁做,費事嚇親o的同事.就係咁樣呢個咁愉快,良好o既工作環境之下我好快就完成工作.放工去食飯.我今日約天使學徒去配眼鏡,佢最近俾工作同事奉搞到有o的唔開心.佢見到我就同我講佢o的慘.佢仲出佢部翻譯機出俾我睇,不過佢支觸屏筆出之際,支筆彈唔知去邊度.(正值show off o既時候發生o的咁o既事認真火羅 爆
,呢件事令我諗起T骨扒事件添......
)配完眼鏡,我同佢去大快活坐低,飲吹水.當中我講返以前我係同一間教會時發生o既一件不愉快事件......老實講,件事隔咁耐其實真係冇咩好講.(當然我係唔會而家講返件事o既始末.將來唔知.)不過我好多謝o的真正關心我o既弟兄姊妹.對於其他知o的唔知o的,唔認識我o既朋友.我只可以講o既係事情o既發生係好無奈,對任何一方,任何o既評論只會造成傷害,並無益處.
對傷害我o既人(們),我要同你講:
由於主耶穌o既愛,我被赦免,被原諒.亦因主耶穌o既愛我學識寬恕,我願意將我o既傷痛交主手中.我願意原諒你()!
但係唔好再製造多一個'我'出啦!
主係睇o既係人個心,唔係睇外表!
主睇重o既係人做事o既出發點,唔係結果!
離遠征仲剩返4日......
沒有留言:
發佈留言