D先生呢排日日激我!
先係因為改單令我做到隻狗咁.
然後因為加工損耗率,不停咁咿咿哦哦.(呢次加工o既損耗率不能預計,但係硬係要人預計.到最後我都係冇答案俾佢!)
今日又輪到時間觀念問題令我發火!
話說今日佢話要落實顏色配搭,佢應承1800之前同我聯絡,我答應等佢.點知1830都未見影....到1845佢打我手提口吻好似怪我離開office.我真係火都埋!成日好似大少咁,乜都要就佢!跟過佢account o既同事無一唔用粗口鬧佢!佢成日都問點解,其實答案佢度!
人又狗!對佢o的要好小心,尤其係價錢.今日對佢張PI就發現價錢計算有問題!成日出埋o的小蠱惑想搵jackso!佢同公司關於銀行戶口o既問題又想我幫佢跟,我啋你都傻!一於扮傻,乜都唔識!我幫你跟單,唔係你私人助理!由公司去地鐵站一條大直路都話唔識行要我接佢,我摺埋你就得!
或者之前老細同同事太好人,所以佢蝦得就蝦!你遇著我潮州怒漢算你倒霉!我唔係靠惡,只不過我唔會咁就你囉!
其實大家互相尊重同埋幫對方設想根本就可以好好相處!
沒有留言:
發佈留言