經過咁多日搏殺,今日真係可以.朝早返教會,今日係每月一次o既事奉.不過仲係覺得自己做得唔好.希望可以做得好o的!
返到屋企食o 的,跟住就大覺.一就4個鐘,起身上一陣網,打一陣機然後同大人大少落街買.大人去街市,我同大少去茶記.兩父子嘆下午茶!返到屋企check e-mail,發現聽日可能好多做.唉~!話之佢!!一於聽日先算!因為穌哥話過:'所 以 不 要 為 明 天 憂 慮 ． 因 為 明 天 自有 明 天 的 憂 慮 ． 一 天 的 難 處 一 天 當 就 夠 了 。(馬太福音 6章34節)'呢句說話真係好有道理.
我其實已經好幸福,我諗起samkee.佢直頭冇過,真係希望佢可以有定時放假.
R小姐離開公司差唔多4日,我呢排晚晚OT,最早8:30,最夜10:30.o的好似做極唔完咁.不過我每朝祈禱先返工,所以o的工作有減少o既跡象.前幾日張to do list成2頁幾.今日張得一版.
雖然係得一版,但係都幾煩.最大問題係成日要面對o的好難明解o既'中文'.
我有一個客係K國人,不過'識'中文.佢o的文法好難明.令我好頭痛.
另一個客係A國人,比K國人好o的.不過有時都睇唔明.
唔知係自己理解能力差,定係咩原因.佢兩個o的電郵睇死人.
同A小姐傾開,原來公司最多麻煩同較複雜o既A/C都哂我度.
可能做得犀利過頭,於是一有機會就玩.
先係星期一同R小姐玩潮州腔,尋晚就同A小姐玩MK腔.
我玩到停唔到落,亦都笑到停唔到口.......
我應承自己,攪完o的麻煩一定搵個機會玩鑊勁o既!
一於咁話!
用成兩年o既銀包今日終於退役,因為開始爛.我噚日稍為同大人講過銀包爛,點知今日佢去街陣就買個新o既俾我.(我覺得自己幾幸福!不過呢種感覺唔知可以維持幾耐?) 
左:舊銀包,皮質軟熟,質感一流 右:新銀包,內格多.容量大.
今日朝早見人齊,外母,大人,大少,阿群,bb女琇如.所以諗住family day.本來想去飲茶.點知有間酒樓裝修.另一間要等好耐,於是去大家樂每人叫個早餐食.點知外母同阿群淨係食碗米粉就話飽.剩低o的火腿,腸仔,蛋同埋o的多士俾哂我食.我勢估唔到會去大家樂食大餐.一個人鯨吞3份早餐(連埋自己份.)食得極飽!
之後佢行街,我就去剪埋個死人頭然後返歸.趁有時間就安排自修課程.我安排自己一星期5日,每日學2-3個chapter.第一個課程係Mind Tool, 呢本書係教人點樣提升自己事業技巧.我計過總共要9個星期完成.希望可以持續落去.
聽日要面對一個幾辣手o既問題,希望搞得掂!(祈禱,祈禱,祈禱......)仲有希望清哂手上o的工作,咁我就可以喘息一下兼整理手上o既資料.......
另外希望Samkee快o的有得放假.佢咁捱法我真係擔心!
今日先至開始體會呢份工o既張力,朝早9點返到公司開始準備.9點半正式開工!今日編張To do list,一共兩頁紙連帶附加筆記總共4頁.搞掂張list之後就整理好所有文件,資料同樣板.不停咁做,做,做......
好在A小姐放完假返工,佢份可以交俾佢.R小姐都好就住我,一邊幫手清,一邊慢慢轉移o的俾我.佢擔心我一時間哽唔哂咁多,仲叫我如果頂唔順要同老細講.
諗返起上星期去收債陣,種氣勢對比返今日俾個煩客追我,立即諗起呢句說話:'剃人頭者,人亦剃之.'真係應景.今晚做到8點,不過預料聽日比今日仲忙.
今晚利用不同顏色file分別工作o既處理先後次序,希望對我工作安排有幫助!另外我接收Samkee o既PDA電話,呢部電話對我好有幫助!
在此多謝R小姐,多謝妳幫我咁多同教我咁多!好唔捨得妳呢位好同事/好朋友離開,希望妳新公司做得開心,同埋唔好再遇到好似我咁鍾意整蠱妳o既衰人!哈哈!
7日,仲有7日R小姐就要離開公司.今日我要開始take over佢一o的Account,(應該係大部份)作為一個M.E負責多o的A/C代表多一o的額外收入.應該開心先,但我一o的都唔開心!相反我覺得好難過.作為朋友/同伴我應該為佢搵到更好o既工作而為佢高興,(尤其happy friday呢句話對佢有真正意義.)當佢正式成為５日黨我為佢高興o既同時,亦感到有少少孤單.
我難過o既情緒每日加劇,打從當晚我書室揀書一刻開始.一種熟識o既酸溜溜感覺一湧而上,我內心o既呼喊只有主聽到!返到屋企我盡情向主傾訴......
離別,雖然呢兩個字對呢件事唔適用.但係我到此為止o既人生,已經經歷得太多呢o的事.而每一次經歷有同伴離開,我o既感受都係一樣!o靚仔思,嘉煇,嘉偉,阿陳,傻東,阿貞,阿浩,阿國,阿珍,阿泉.....佢每一個都係我o既好同伴,絕大部份都係我一手一腳親手教出.所以除兄弟情,兄妹情,友情,仲有一份師徒之情.
我呢份人大情大性,喜怒形於色.好多人都勸過我,叫我唔好咁投入人與人o既感情同埋感受.因為好容易受傷!但我偏偏唔改,因為我認為咁先係我,我知道咁做係錯,但係我點解唔可以做返自己?!
講到喜怒形於色,如果要我用唔同o既音樂去形容一日o既心情我會咁樣形容:
朝早返工前: hard rock
工作中:heavy metal/ punk rock
面對某人:eminem o既 rap song(大量粗言噦語諷刺,恥笑睇唔順眼o既人)
食飯: j-pop
放工:任何一種視乎心情.
OT:heavy metal/ punk rock 或eminem
你呢?
星期六放工拿拿臨返上大陸,事關大人新屋入伙.但係有o的工事先要解決,所以先返廠.(廠同大人屋企埋同一個鎮.)去到廠先派禮物(office 同事搭我上去.)再去追債(廠欠同事o既回覆.)做追債o既人唔一定要殺氣騰騰,殺氣只需要適當時發出少少即可,(因為你唔會因為追唔到對方而真係去殺佢,係咪?)如果仍然唔滿意o既話,就可以考慮發埋另一樣......發爛喳!不過真係要考慮清楚,假如你發完爛喳都唔能夠達到目的咁你就會好冇癮......
今次都算係有o的收獲,平時電話敷衍了事.今日有人上門追債,拖字決同太極掌都冇哂用.每單都有明確答案,不過最後結果係咪咁就唔知喇,亦都冇辦法知.o的人見到我追債都表現得好錯愕!
其實你班友平時老老實實覆就邊度駛怕我呀?!
返到屋企就見到大人佢大排宴席,場面相當熱鬧.醉酒鬧事,劇烈嘔吐就必定出現.我一啖都冇飲,事關一飲就死緊!反為大人就叫我去同o的人飲,我死都唔制......
尋日本來想去剪埋個死人頭先返香港,但係唔知做咩.極之多人!於是放棄!返到香港屋企6點.晚餐好簡單,兩杯橙酒加冰,少少薯片同兩杯仔菠籮雪糕.食完之後眼,諗住上床瞌點知一起身係今晚早上5點45分......
<嚴正指責麥當勞套餐嚴重縮水!!>
今朝本來係一個令人好想覺o既早上,當我返到公司我已經遲到2個字.當我食完早餐check緊e-mail陣有件令整個office震驚o既事發生......
首先我見到A小姐急速地從佢張向後退,雙腳縮上工作椅上.慢慢露出驚嚇o既表情,然後尖聲喊叫:老鼠呀!當時我俾佢嚇一跳,跟住原本電話度剷緊人o既 R小姐發出恐怖o既尖叫,連帶E小姐同F小姐都露出驚嚇o既神情.我就問A小姐老鼠邊,佢就指住面:個mon後面呀~~!
我當時都見唔到老鼠,不過我發現A小姐仍然定格張椅上面.於是我就拉佢出,同時R小姐好似失去理智並且跳上矮櫃上面而個電話仲係通緊,(唔知電話另一邊o既人有咩感受??)我就去掃把嘗試搵隻老鼠出打死佢!當然最後都係搵唔到,(雖然我曾經見到類似鼠蹤.)通常呢o的事都係咁結局.成件事擾攘半個鐘左右,而大家都唔多敢返埋位做......
呢件事入面我體驗兩句成語:花容失色,猶有餘悸.
事後R小姐同我講佢逃命o既時候撞瘀.......
今日極好天氣,所以玩得好開心!(除今日還車陣俾條友仔寸親覺得唔爽之外.
)
我一行17人,先殺去大埔街市熟食中心食晏.然後租單車沿海濱公園踩入大尾篤,平時冇運動o既我踩得幾辛苦.平路絕對o.k,但上斜就我命!我仲踩到心跳,有o的想嘔添,好在慢慢先冇事.不過要多謝劉明,事關佢特別陪住我.起碼我有咩事即刻可以幫到手.不過沿途聽住重金屬搖滾音樂的確增加我o既力量,但係因為要顧及安全所以只能單聲道播放!
我入到去大尾篤大慨4點幾,成班人放風箏同影相玩得好開心.本來天使學徒都話會踩單車,不過佢俾詩班o既事務纏繞住所以唔得,唯有夜晚一齊食飯啦.
我今晚又係去日頭食飯檔食晚飯,大家都食得好高興.我見到老死都好投入仲同我其他o既弟兄姊妹傾得好投契就覺得特別高興.佢仲送我去坐車添. 
藍天白雲
兩條友仔我背後整古做怪......
Joejoe &劉明
好曬呀~~!
好高呀!
祝:嘩!大佬!妳係我後面搞乜呀?!
自拍
連續3日假期,做o的咩好呢??
大人同大少上星期四返o左外家,我同老竇兩個留o係屋企.本來自己都有計劃北上,但係因為黑雨取消o左. 大人同阿豹雖然極力遊說,但係我最後都決定唔去.唔去就留o係屋企hea足成日.上網,打機,睇電視.除去買o野食之外死都唔出街!好耐冇試過咁樣喇, 夜晚8點鐘就!點知大人某個親戚12點幾打電話俾我問我幾時北上,叫我幫佢帶o的o野上去.好在我冇下床火,唔係實深夜怒哮!其實呢o的小事第二日打俾我咪得囉!都唔明佢點諗,鬧你又唔好意思,嬲你你又唔知!唉~!
今朝出門口去教會o個陣諗住打個電話問候大人同大少.點知佢o地仲以為我會上去,睇o黎佢o地真係好想我去喎.本來正常情況之下我實返完教會就立即北上,但係怕聽日趕唔切所以都係唔返.聽日小組有活動,成班人去踩單車同郊遊.我好耐冇參與呢o的活動所以極之想去.Sorry呀大人!下次有皇帝都唔做,補返數.(我知妳實話:下次俾個皇帝你做!所以我咁答,希望妳滿意啦!)
希望聽日天氣好o的,唔好破壞我o地玩o既計劃.仲有聽日A小姐要見客.(真慘!)希望佢快o的搞掂,快o的有得玩啦.
唔男唔女半桶水
今朝一心諗住嘆o番個靚早餐,本來都食得好開心.點知隔離台班友大大聲講o野,其實公共場所大聲講o野都唔係一件奇事.不過班人當中有把女人聲極之突出,令我覺得討厭!事關佢大聲唔再講,語氣十足十o個個高談闊論認哂叻o既中年金毛!講o野o既內容都係附和o個個中年金毛,相當討厭!於是就拿拿林食完個早餐即刻走人!
豈有此理
呢排某個網絡商o既廣告同時吸引到我同A小姐,的確o係我o地o既工作環境當中我o地都遇到好多值得我o地高唱豈有此理呢隻歌!老細,客人,廠,運輸,速遞......等.我相信唔只我同A小姐,就算R小姐同E小姐仲有C小姐都想o黎個大合唱!因為呢個世界混帳o既人實在太多喇!例如強姦阿婆o個條 xx!!!
辦公室失控實錄
放心!唔係我公司,而係外國一間公司.想睇就click下面link.(冇聲)
我公司如果發生咁o既事會點?有冇人阻止佢呢?會唔會走入老細房大肆破壞?我相信食過夜粥o既人會冇事,不過未食過o既就......(大家自己諗啦!)
