連續3日假期,做o的咩好呢??
大人同大少上星期四返o左外家,我同老竇兩個留o係屋企.本來自己都有計劃北上,但係因為黑雨取消o左. 大人同阿豹雖然極力遊說,但係我最後都決定唔去.唔去就留o係屋企hea足成日.上網,打機,睇電視.除去買o野食之外死都唔出街!好耐冇試過咁樣喇, 夜晚8點鐘就!點知大人某個親戚12點幾打電話俾我問我幾時北上,叫我幫佢帶o的o野上去.好在我冇下床火,唔係實深夜怒哮!其實呢o的小事第二日打俾我咪得囉!都唔明佢點諗,鬧你又唔好意思,嬲你你又唔知!唉~!
今朝出門口去教會o個陣諗住打個電話問候大人同大少.點知佢o地仲以為我會上去,睇o黎佢o地真係好想我去喎.本來正常情況之下我實返完教會就立即北上,但係怕聽日趕唔切所以都係唔返.聽日小組有活動,成班人去踩單車同郊遊.我好耐冇參與呢o的活動所以極之想去.Sorry呀大人!下次有皇帝都唔做,補返數.(我知妳實話:下次俾個皇帝你做!所以我咁答,希望妳滿意啦!
)
希望聽日天氣好o的,唔好破壞我o地玩o既計劃.仲有聽日A小姐要見客.(真慘!)希望佢快o的搞掂,快o的有得玩啦.
2 則留言:
今日天氣好好，你應該玩得好開心啦..:)
0個條鬼佬同鬼婆講到12點幾先捨得走，我做到點半就走人，變相返了半日工...
今日你NS 個電話響0左2次，第2次我忍唔住幫你聽0左，原來係條韓妹搵你，佢明天應該會再打電話比你..
今次可能賴.....佢sende-mail俾我,佢問點解冇send 佢o的原板.死喇!J先生叫我每樣cut 一半添.如果佢知道我咁做唔知會點呢??
發佈留言