血仍未冷

今朝去到公司門口,見到道閘未開.心入面立即有一個意念突然出現......唔通同事們怕老鼠唔敢咁早返工?(註:除兩個老細,我係公司唯一一個男 人.)開閘,打咭,放好個袋.然後去檢查雜物房門口塊老鼠膠,果然噚日隻老鼠真係度!我就將老鼠膠對摺跟住就隻老鼠出外面'摺埋'佢.過程快速,無 聲,無污染環境兼不費吹灰之力.(細節唔講,免得好事之徒興風作浪.)放鼠歸山,後患無窮!況且同事返到恐怕會又怕又想睇跟住再怕得要死,所以必須速戰 速決!跟住收到天使學徒o既sms叫我睇留言.可惜為時已晚,但如果按佢o既方法泡制恐怕女同事們會認為我心理上有缺憾,咁就麻煩大喇!既然大事已成我就 send sms俾 A小姐同R小姐希望佢放心返工.

當佢返到知道老鼠已被處決,立即放下心頭大石.好愉快咁開始工作.

在此多謝各位留言,下次再有機會必將大家o既意見認真考慮.同事我想呢度講一樣......








<嚴正指責麥當勞套餐嚴重縮水!!>




價你就加喇,點解仲要縮埋水呀?!你估薯條套縮細我就唔會發現呀?!!

你真係離哂大譜呀你!!!