星期六放工拿拿臨返上大陸,事關大人新屋入伙.但係有o的工事先要解決,所以先返廠.(廠同大人屋企埋同一個鎮.)去到廠先派禮物(office 同事搭我上去.)再去追債(廠欠同事o既回覆.)做追債o既人唔一定要殺氣騰騰,殺氣只需要適當時發出少少即可,(因為你唔會因為追唔到對方而真係去殺佢,係咪?)如果仍然唔滿意o既話,就可以考慮發埋另一樣......發爛喳!不過真係要考慮清楚,假如你發完爛喳都唔能夠達到目的咁你就會好冇癮......
今次都算係有o的收獲,平時電話敷衍了事.今日有人上門追債,拖字決同太極掌都冇哂用.每單都有明確答案,不過最後結果係咪咁就唔知喇,亦都冇辦法知.o的人見到我追債都表現得好錯愕!
其實你班友平時老老實實覆就邊度駛怕我呀?!
返到屋企就見到大人佢大排宴席,場面相當熱鬧.醉酒鬧事,劇烈嘔吐就必定出現.我一啖都冇飲,事關一飲就死緊!反為大人就叫我去同o的人飲,我死都唔制......
尋日本來想去剪埋個死人頭先返香港,但係唔知做咩.極之多人!於是放棄!返到香港屋企6點.晚餐好簡單,兩杯橙酒加冰,少少薯片同兩杯仔菠籮雪糕.食完之後眼,諗住上床瞌點知一起身係今晚早上5點45分......
沒有留言:
發佈留言