潮州怒漢: 10月 2008

星期四, 10月 30, 2008

又玩o野....

冇錯!又係我同喪bi!

呢個表情,一睇就知係同人講唔掂數o既蝙蝠俠啦...

好重o架!

呢副係傻人眼鏡,你睇o下我o地幾傻...

呢三張正常o的.中和o下呀o麻

星期二, 10月 28, 2008

地獄一星期 (序...)

過埋今個禮拜,就搭入地獄一星期.事關一年一度o既香港展就快舉行,記得舊年都好辛苦.今年雖然唔係擺展覽.但係成個星期都要見客.特別係星期一就要見客人D.呢o下都幾難捱.今次佢仲要霸o左我4日.死啦!點算呢??真係會死得好燦爛喎...

o係前幾日收到一封e-mail,我覺得好開心.真係好多謝你關心!不過我o地傾談當中可能令你娘子感到苦惱.真係唔好意思.

寄望下個星期快快完,快o的回復自由,然後同有關人等刷餐勁o既.呵呵!

今日其實發生o左件好惹笑o既事,不過為免有麻煩.我都係唔o係度講lu...

星期日, 10月 26, 2008

傷口

最近同幾個人講起自己o既往事,不其然勾起一o的回憶,一o的往事同埋一個從未瘉合o既傷口.以前好鍾意用煙,酒同王傑o既歌o黎麻醉自己...

時至今日,我已經戒o左煙.亦明白酒係唔能夠醫治傷口.

至於歌係可以抒發到我o既感情,所以今次同大家分享幾隻歌.o的歌詞當然唔係完全表達到我o既感受.但係都差唔係好遠...

1999年係我人生最為心碎o既一年...

長州半日遊 Part 2

晏晝去o左食張記魚蛋粉,之後又繼續行...

買o野買唔停...唉~~

大少行到支力就有大人照顧.真幸福.

今次除o左有cool爸,仲有cool媽.

每次o黎到都會幫o親o既甜品舖.

食得好滋味o既大少...

本來諗住出o番中環之後再殺上山頂,不過老表話下次先所以冇去.

上到船大家都支力想話訓返陣點知有班細路不停走o黎走去嘈醒我幾次...

真係想伸隻腳kick鬼佢o地.....

長州半日遊 Part 1

大人o既老表o黎o左香港玩,咁o岩我補假.於是就帶佢o地去玩喇.

以往都帶人去買o野多,但係最近呢幾次都唔帶人shopping.因為太悶喇.

於是就帶人去離島玩,呢o的地方自己都好少去...
最大特色就係坐船,因為可以舒舒服服好寫意咁去玩.見到個海真係好relex...

開餐lu.哈哈...

大少:好長喎

大少:爸爸,呢o的咩o黎o架??

怒漢:薯片囉.

大少:試o下先...

老表:咁都俾你映到??

老表:請你食一塊喇.

老表:食啦.

大人:上繳!

因為大少太唔合作,所以呢張全家幅要映好多次...

見到呢間bar,忽然突發奇想....

怒漢:老婆,不如我退o左休之後入o黎長州搞間咁o既o野囉.
大人:好啊,睇o下到時有幾錢先啦.
怒漢:樓上住人,樓下開舖頭.
大人:應該幾好.
怒漢:不如養隻狗添囉.
大人:唔養!!
怒漢:...(冇癮中)

星期一, 10月 20, 2008

去完美國返o黎咁耐,終於有一個喘息o既機會.我朝早返早堂,返完之後直接返屋企.大人同大少因為唔知醒所以冇返教會(希望佢o地下個星期會返到啦.)o 係屋企執o左一陣o野.我發現屋企部desktop o既keyboard越來越難打,記起有人曾經講過可能係入o左塵所以先會難打.於是我就逐粒制拆出o黎,然後用刷將個keyboard刷乾淨同埋將o的制一粒一粒抹乾淨.再裝好.呢招果然有效!連以前最難打o既space bar都好打o左好多.或者有人會問,而家o的keyboard咁平,點解唔索性買個新既算數呢?因為我唔捨得呢個keyboard...

我用o左佢好耐將近有15,6年,而且佢仲要係 made in USA.加上佢同我個MON,機箱仲有個喇叭都一樣色.所以就唔想換喇.

攪完一輪就去街街,去完街就返屋企.大人同大少o係樓下玩,我因為時差發作就o係屋企大昏迷....迷到深夜00:00.同大人吹o左陣水又訓過.......

今朝好早就醒o左,覺得精神都唔錯.唔知今日過o左15:00之後點呢??