向美利堅出發 <day eight>

今日由丹佛去紐約,我2點幾3點就醒.攪掂哂之後就上網.老細4點鐘醒.我o地4點半走人,因為要還車所以要預早o的時間.我o地一上公路就好緊張,因為怕行錯.miss
o左班機...

住o左咁多間酒店,我最鍾意呢間.

直至去到一半左右,我o地要停o係路邊.睇地圖.確認o左方向之後就繼續上路.
去到機場,check in.點知行李過重要俾壓外費用.老闆條氣唔順,覺得俾人打劫一樣.不過冇辦法...
我o地需要去邁阿密轉機,點知就delay o左2個鐘.呢程機好難捱...

超豪牛扒早晨.

一直都好鍾意睇雲,每次坐窗口位,必定映好多雲.

去到邁阿密lu

終於到o左紐約,等o左好耐先有行李.然後去酒店,去食飯.食完之後返酒店上網同人吹o下水.然後做o野做到3點幾...

終於o黎到,坐o左成日飛機.得返半條人命...

酒店房有星星o麥咖啡,開工必定要飲!據知情人士所講,呢樣o野係呢間酒店o既標準裝備.

今次間酒店好正!仲可以一個人住添....

o的板都仲未寄到o黎,今次真係大鑊...(UPS,穩妥猶如親自運送??下次搵第二間都唔搵你...)