人可以向上帝禱告

上個星期六放工之後去o左大球場,參加'人可以向上帝禱告'佈道會.今次我同E姊妹,W姊妹,J姊妹同埋M姊妹負責做陪談員.心情又興奮又緊張.(我第一次做咋...)多得J姊妹講解一次四律內容.等我到幫人決志之前識得同人講乜.

到o左開始o既時候,人越來越多.好快就天黑.我見J姊妹冷得騰騰震,咪俾件外套佢穿住啦.點知慢慢我都開始頂唔順.到o左陪談果陣因為緊張同凍所以食哂螺絲....(真失敗!)

散o左場之後,終於俾人知道我凍到頂唔順...呢幾個活潑同百厭o既可愛姊妹開始同我玩同開玩笑.但係我已經凍到冇哂反應lu.......orz