自由o既代價

噚晚睇咗一套關於一班北韓人出走去南韓o既記錄片,當中

過程非常艱辛.首先大部份出走o既都係女性,佢哋以為俾咗錢蛇頭就可以獲得自由.但係勢估唔到分分鐘俾人賣咗做妓女都唔知.

過咗呢一關,又要逃避大陸政府捉拿同遣返.第一次遣返要入勞改營.第二次就要死.

跟住分成兩批,由南韓教會統籌經雲南去寮國.(當中有阿婆,有小朋友)再由寮國去泰國,去到泰國就去南韓領事館安排坐飛機去南韓.

記錄片當中o既第一批成功去到南韓,但係第二批就俾公安捉哂...而當中有一對夫婦帶住個3個月大o既bb仔.佢哋o既命運係要面對死刑...佢哋點解引起人注意而俾人捉咗,全因為嗰位丈夫成日喺門口煲烟...

o的極權國家,人民o既生命被威脅自由被剝奪.為咗自由甘願付出咁大代價,去到南韓因為唔適應終日悶悶不樂甚至要自殺.呢個結局又係另一個悲劇.

一方面我要感謝神讓我生活喺自由o既地方,我望住瞓着咗o既大少.好難想像到帶住佢逃亡或者好似片入面嗰位小朋友咁俾佢自己跟住班大人逃亡.另一方面要切切為嗰班正在爭取緊自由o既人同當中幫手o既人祈禱.

史上最弱雞之咕哩

今朝一早去個客度接貨,因為估計錯誤攪到遲到.大陸廠派o左個技師過o黎.幫手落貨同裝機,點知佢去錯地點(有地址+坐的士咁都會錯?!我唔識講喇....)等佢o黎到已經差唔多10點.兩條友加司機大佬將o的拆散o左o既機械由貨車度卸落o黎.本來係一件容易o既事,但事實上唔係...(大陸廠位小姐同我講呢單o野果陣講得好輕鬆: 好易之o麻,o的機有轆.叫司機幫手推去lift口,再搵個客o的工人幫手推入去.咁就完事喇!)但係事實上完全唔係咁囉!

a.冇工人

b.o的轆唔多郁有o的仲爛鬼o左.

c.司機趕住走.

我同個師父攪到成身汗,最慘係我今日著住返工衫.(西褲+皮鞋)老實講,真係唔o野小.我未試過出盡力都推唔郁o的o野.(唔係我平時大力,而係未遇過)其中一件'有轆'o既機器,我o地一面推,佢一面移位.幅牆好似有磁力咁,我o地推推o下部機又痴埋牆度.要退後,擺尾再移位再推.攪o左好多次同好耐先推到入廠...

不過好感恩!因為都有唔少人(唔關事o既人)幫手.

跟住我收o左個客張票,然後去入票.再上深圳會合老細.然後返hk.o係火車上我個人已經散哂...因為成日出o左去,我冇check 過公司mail.所以用部電話check o下公司inobx,點知我見到o的令我好唔開心o既事...個mail係一位同事send俾個客o既,裡面提及我...

On the other hand,Mr.XXX let me tell you that our company employed two professionals in engineering.

Mr. Chas Yiu - Assistant Manager in Hongkong office. He specializes in mechanical and
good at Oral English.
Mr. XXX - Engineering Manager in Factory. He has rich experience in machine
and has good English communication.

XXX will focus on cultivating these colleagues in the future. Hope we can strengthen
our competition.

Specializes in mechanical?? (WHAT THE .... ?) 我邊鬼度係機器專家?! 俾人吹到咁大我都係第一次... 雖然散哂但火都o黎!

返到屋企接近半死,入屋立即沖個靚涼.出到廳見到

我o既最愛湯水之一...番茄薯仔湯!

呢個湯簡直係令我起死回生!(講笑o者!) 我真係慶幸冇o係街食完o野先返屋企! :)

多謝大人賞賜!! :D

...

仲有十日就係我搭入新公司一個月,時間過得真係好快!
新工作極具挑戰性,好快又要出trip.目的地係美利堅同墨西哥.
工作方面比以前忙好多,難度亦相對較高.我每個星期都上廠2-3日.
估唔到兜兜轉轉始終都要返大陸,還好以前留o係大陸時間較長.
相對來講,都唔難適應.

最近有個好朋友發生o左o的事,我o既心情唔多唔少都有o的影響.
不過近來實在太忙喇,就算我幾擔心我都好似冇時間去諗太多.
我表面好似幫唔到佢,不過我可以為佢多o的祈禱.
而我相信會有保守同平安會臨到佢身上,不過縱然係咁我個心一直覺得好唔安樂.
我有時會諗呢o的o野幾時先會停?先會完?
我真係好希望快o的平息,等佢可以舒服o的安樂o的.

至於我自己,我發現我嘮叨多o左.有時都覺得自己好煩….

又一個星期...

今個星期過得好鬼快,冇乜特別事發生.大人大少返o左外家.
我一個人無無聊聊行o下街同俾o的小驚喜佢兩個.

星期六返小組,星期日返崇拜.一切正常.

好似好悶咁,於是我搵o的o野攪o下...

估o下呢度係邊度?

行到 支力返歸

今日晚餐

我其實唔係好識煮o野,不過貪得意映低個過程...

今日真係好鬼熱...

有乜辦法呢??
















正!

水滾喇!

落麵!

過埋冷河...

攪惦!

獻醜,獻醜! ^^

公德

今日想同大家講o下公德問題,大家都知在下每日都搭港鐵

返工.老實講大家都知如果要拍一套電影.叫做千奇百怪在香江.我諗套電影有40%會係o係港鐵到取材.例如柱男,柱女.磨柱男.猥褻男女(尤其係九龍塘站)仲有手機失聰人士....等值得一提o既係報霸.故名思義即係有份報紙o係手就成機霸佔共眾空間o既人.我到而家都好唔明白點解會攪免費報紙.呢o的報紙唔駛問阿貴都係o的人想賺多o的廣告所諗出o黎o既.但係勢估唔到會產生公德問題,人手一份報紙令到已經擠逼o既車箱更加逼.而家仲衰!有o的茂利落車果陣特登賴低份報紙.好o的o既就懾埋一邊.有o的更離譜o既索性掉o係地下.我試過有次忍唔住執起佢出閘之後俾o的公公婆婆.我真係想同果o的賴低報紙o既人講:先生/小姐你賴o左o野.如果佢o地話:唔要架啦!我實話:你唔要唔該你掉入回收箱!個個係咁仲得了?!

另外大家都知而家係流感高峰期,應該注意個人衛生!無論係個人或者係公共兩方面都要注重.但係有o的人實在好似未開發咁.鍾意直接吐痰落垃圾桶度.係呀!我係話緊你呀!二五雞!!你好鬼冇品呀!最近攪大龍鳳好巴閉o下話?!你咁吐痰咁唔衛生都做得出睇怕你第二時急尿實屙落垃圾桶添呀!正粉皮!仲有呀,唔該你唔好淫賤扮有型呀!知靚!

解脫

我忍受唔到喇!

實在頂唔順!

夠喇,真係夠喇!

我唔可以再係咁落去.

冇辦法,有o的o野真係要去面對,唔可以逃避.逃避係解決唔到...

我知!你都唔想咁...不過我o地唔可以繼續咁樣!

我o地一定要徹底咁解決呢件事!

我一個人會好好.

你都應該搵返個好歸宿!

所以我今日一定要.......













執返企理張台!

佢老闆!張台亂,我好難做o野o架!


今朝返果陣,E小姐問我係咪打算唔做?
我俾佢嚇親,(成鬼日嚇我.....)原來係話我執得好乾淨....
睇o黎今次幾成功喎!

久違

今日我個頭號讀者同我投訴,問我點解咁耐冇寫blog.其實係因為最近冇乜心情寫blog.
加上有一o的煩事,同埋搵唔到合適內容.所以咁耐冇寫.

反觀喪bi都有穩定o既產量,佩服佩服!

因為流感停課o既關係,所以大人同大少返o左大陸.而我就一個人留o係香港.上個星期我終於忍唔住上去探o下佢o地.見到大少仲係咁活潑真係開心!我每次返去實有幾樣o野一定會做,洗頭剪髮.燒o野食,劈酒.當大人接我火車,上o左巴士果陣我就好想快o的去到見o下個仔同歎返o下.今次亦到係我第一次,可能係最後一次坐呢o的巴士,事關我覺得極唔安全.我一上巴士,見到我後面有3個機會主義者.我就sense到有o野唔妥.於是我同大人坐車頭,冇幾耐有條茂利上車,佢仲用部手機聽歌.不過佢冇headphone,佢係直接用手機個喇叭播歌...佢老闆!大大聲唔在講o的歌仲要難聽到死!唱鬼到將近走音... 佢仲好得戚咁UN o下,UN o下.騎呢到丫?!我頂佢唔順.

落o左車,剪完個死人頭就返屋企.我買o左兩架變型金剛玩具俾佢o地兩條細路,點知佢o地要我不停變車,變機械人玩死我咁滯...

到o左夜晚就燒o野食,大人腌o既辣辣雞翼真係一流.我亦飲o左好多啤酒.
第二日返歸,我死都唔再坐巴士!!















大人幫我蠟o既雞冠頭,本來好有型.可惜....而家仲

蠟唔返添...'

今日都冇乜特別o野,本來.我晏晝聽o左一個電話,令我

充滿'生氣'!有o的契弟,真係唔知咩叫中庸之道,唔知咩叫點到即止.硬生生將自己o既價值觀強加於人身上仲要逼人接受!離譜!你淨係掛住達成目的,人o地o既感受你都冇考慮過.你條粉腸!有冇顧過人o地感受?你知唔知你逼到人o地有氣冇頂o抖,你又知唔知你係幾咁討厭呀?!!

你今日執返身彩!你唔駛面對我,如果唔係我一定唔俾面,盡情,盡力去鬧爆你條死茂利!我200%保證,你o既遭遇係既痛苦又漫長!!!

返到屋企,見到呢樣o野...

呢餐係我老竇煮o既!我好耐冇食過老竇煮o既飯.味道一

流!

士可殺,不可辱!

佢老闆!講起就火滾!!

俾人冤枉唔止仲要逼我食死貓!!我呢舖死都撐落去!

點解個客冇錯?

o的o野有哂number跟number做有乜o野唔o岩??

如果跟number唔o岩,要個number做乜?扣我佣事小,但係要我死得不明不白就勢係假!!

我好多謝某人提醒!教我點做.

我相信 神係公義o既.我唔會怕得罪人而放棄自己o既尊嚴.

以往我承認自己有錯,但冇錯我就點都唔會認!!!

退役

屋企用o左十幾年o既LCD Mon終於都要退役...

其實個mon都捱o左好一排...
前兩個禮拜,發現上半部份暗o左好多...
後來到今朝,突然間著返....
心入面高興o左一陣.
突然冇哂畫面...
原來係迴光返照.

於是返完崇拜就去買過個mon.
一千八百個大洋...令我離開部DSLR又一大步

灰~

















拜拜




















歡迎

中獎...

o尋日朝返到公司,開o左電腦冇耐E小姐問我一個問題...
E: 如果叫你去美國,你去唔去?
我: 唔去,死都唔去...豬流感喎.佢o地唔會咁癲o既.
我: 晨早流流咪嚇我啦,妳係唔係收到咩風呀?
E: 唔係,問o下o者...

到o左老細們返o黎,E小姐就去o左見佢o地,隔o左好耐好耐...
跟住到喪bi,佢扁哂咀出o黎同我講:佢o地問我有冇美國visa...佢o地想叫我去美國...
我就send o左一張賭俠o既cap圖俾佢,笑o下佢...
















佢就緊係鬧鬼我啦...


之後輪到我...

老:怒漢,你可能要下個月去芝加哥兩日...
我:豬流感喎...
老:冇事o既,我唔認為係咁大件事.況且又唔係疫區.(*其實已經有人中招...)
我:返o黎又要隔離,
老:咁你返到o黎批准你自我隔離兩日.
我:會惹到細路仔喎...
老:冇事o既,就咁話啦...有咩問題?
我:咁...OK啦...

當我返入工作間,我感受到一股古怪氣氛...
我望住E小姐同喪bi:...我...中o左獎...
立即惹o黎一陣狂笑...
喪bi仲問我駛唔駛俾返張相你?哈哈...

我: ...............

舅仔結婚

o尋日係我舅仔結婚o既大好日子,我同大人大少就返o左娘家幫手.
我今次就負責做拍友,幫我舅仔拍video.
以往都試過幫人拍,不過經驗唔多.
o係香港,大家都計劃好哂.十足一場show咁.
但係o係呢度雖然冇計劃,但係係充滿驚喜.
我最估唔到o既係,竟然班兄弟先係主導角色.
一直以為班姊妹係惡哂,但係原來係弱勢社群...
真係令我覺得意外....

有幾個情景令我好難忘...

一.去到新娘子屋企,一眾兄弟好似high哂o野咁.情緒異常高漲!
人手一支噴射彩帶,不停搖o下,搖o下.罐入面o既鋼珠發出卡卡聲.
成班人坐o係屋外面,不停喧嘩起哄.十足收數佬收數咁...
冇幾耐可能等得太悶,開始內訌.仲互相噴射.
到o左時間,成班兄弟一湧而上.向屋內o既姊妹瘋狂噴射彩帶!
姊妹團退守新娘房,兄弟們就點起炆香再配合風扇.將濃煙吹入房內...
冇幾耐新娘房失守,兄弟們再次瘋狂噴射彩帶!
我睇住o的姊妹排哂隊咁走出o黎,我覺得佢o地都可憐.
班兄弟失控狂笑,攪到本來同情姊妹團o既我都笑到收唔到聲....

二.o係返男家途中,花車俾隨行o既幾部車前後攔住.
原來又係班流氓兄弟o既好事...
目的係要新郎哥落車,將花車推返屋企...
糾纏o左一陣,新郎哥同伴郎就開始推車,冇幾耐姪仔然然都落車幫手.
班死仔仲不停響安催新郎哥快o的..

好在當年娶大人果陣係要返廣州o者,如果唔係...

三.推推o係車班流氓兄弟又玩o野!
今次係要新郎哥抱住新娘返屋企.
今次搞o左好耐,最後搵o左部單車返o黎.
最抵死係有人將花車上面個'喜喜'字貼o係新郎背脊上面...
班死仔仲向架單車掟爆杖...

唉~新郎哥誤交損友真係冇得好講...
班友個個都結哂婚,呢鑊冇仇報...


四.斟茶.
明明係同輩都要跪?!真係唔明兼無奈.
當新娘跪o係我面前同我講:'姑爺請飲茶.'
我心入面好唔舒服!
根據俗例,第一杯係要謝天謝地.要將個杯舉高然後典o係地下.
我就當然唔會咁做啦!
我接過第一杯,隨即倒落o地下.
我覺得咁做係最適合不過.

五.開席
餐酒唔係o係酒樓擺,而係o係屋企門口擺.
路邊變成臨時廚房,大家分工有序.非常有效率!
o係大路前後我o地用大貨車封路.只有o係鄉下地方先可以咁做.

六.散席
好快咁路面還原.本來喧嘩,突然平靜.

困擾

呢排身邊發生唔少事,大多數都係唔開心o既事.其中一件事令到我覺得好傷心,另外有一件事就令我覺得好困擾...

其實呢件事發生o左一段時間...最近亦知道件事o既一o的內容...我聽完件事之後,我心入面覺得好煩惱.好怕自己一直最唔想發生o既情況會發生...

係我放得唔夠開,定太執著?定係我接受唔到事實?或者太過憂慮?我唔知道,不過我o既主知道.我只想俾主一個知,唔想任何人知道.老實講,我唔想有人受傷害!但係我意識到假如呢件事真係發生,我一定用會盡辦法阻止.

之前果個人同我講o既一番說話已令我反感,但基於交情.我暫時可以當冇聽過.不過如果佢再進一步o既話我一定唔客氣!

停止你o既研究!停止你o既好奇!

我要講o既係咁多!

逃避

o尋晚睇新聞透視,講校園吸毒問題.見到o的學生因為各種各樣原因而去吸毒,我好唔開心.o係咁多o既原因入面都有個共通點.就係唔開心.好想去離開呢個唔開心o既情況,好想去逃避.佢o地絕大多數知道吸毒o既害處,但仍然去做.全因為佢o地覺得自己冇哂辦法,唔知可以點做.

o係節目中亦帶出另一個問題,原來好多學校都冇正視校園吸毒o既問題.佢o地怕聲譽受損而去逃避.

我睇完就緊係火滾啦,而我內心又有一o的問題想問.

你班學棍辦學係為o左咩??

學生重要?定係聲譽重要?

我好認同節目裡面有位校長所講關於校譽o既睇法,佢話校譽係活生生o既.今日可能受損他日可以挽回.

班學生認為冇路行,選擇逃避.唔多唔小都係你班學棍教o既.香港o既學生哥太可憐啦...
俾教育局攪到'中不成,英不就',仲要俾班學棍折磨?!你班混帳有冇攪錯?!怕殺校,怕校譽受損就乜都唔做?!班學生攪成咁,你唔好話唔關你事呀!

人渣!!!

你條茂利,衰到貼地!

蝦女人不特止仲蝦細路?
你可以叫佢下次咳要用手遮住把口,但係唔應該咁惡!

好威風咩?!我最唔妥你問人邊個爸爸教你咁咳?
你又係邊個老竇教你講粗口?!

以為隻手畫o左公仔就可以惡哂咁喎!隻手有公仔唔駛奉公守法呀?!

學人教公共衛生?!你個個老竇都冇教你o係港鐵入面講粗口係犯法o架?

番薯!!

仲寸到周圍問人有咩問題喎?個問題咪你條死茂利唔知自己有咩問題囉!

你仲問人'關你乜事'喎?! 你攪到成車人你又知唔知?!

你識得教人咳要用紙巾遮住,咁你夠周圍噴口水喎!

話人咳到亂哂蘢喎,你個人都係亂哂籠啦!你睇你著對死人鞋?!唔睇清楚都唔知隻腳係你o架!我仲以為係人o地阿媽隻腳添喎!

咩o野,唔怕死咪o黎郁我囉,行得出去我話你好o野!

我話你都忽忽o地o既!郁完你,你仲講到o野咩?

你真係執返身彩,如果真係有人郁你,你肯定俾人圍呀!

番薯!

極度忿怒!強烈遣責偽人亂發噏風!!!

正賤人!你係咪因為太自由所以o的男女關係咁亂?你講呢番話o既時候有冇用你個人頭豬腦呀?定係因為你代言果隻洗髮水o的中藥成份令你語無輪次?越老越糊塗!拍戲跌壞o左個腦呀?!你咁有錢搵個好o的o既醫生醫好佢. 唔好郁o的就'動L'亂咁噏!'動L'亂咁攪女人!知唔知呀?!

史丹利遊記

今日返半晝,大人大少仲o係大陸未返.一條友悶悶o地就搵o左個極少去o既地方行o下.
我今次揀o左赤柱...

出發之前喪bi問我怕唔怕好似上一次咁玩玩o下落雨,要走人咁掃興.
其實我都冇諗過,去到先算.

於是我搭地鐵,去香港站.

然後由IFC出o黎.(已經落雨...)

去坐巴士.

去赤柱.

今次條路線同去山頂差唔多,上一次我俾去山頂o的相某人睇佢介紹一間餐廳俾我.
我諗住映低佢,點知...

係映唔到o既!

事關我冇用相機,我用部手機映.而手機太遲鈍加上巴士冇停低所以好多相映唔到...唯有下次補返.

坐巴士去玩其實幾好,有好多o野睇.但係好多時都幾激氣.事關有o的人係冇乜公德心.只係顧住自己.例如坐我隔離有條友,一面聽歌一面un腳.大家都知,我最憎人un腳.但係重點唔係呢樣.重點係佢un到'答答'聲.佢一路聽歌合埋眼好陶醉咁fing頭.(我冇誇張,佢真係fing)一路un腳.果個死人款真係乞人憎.你條茂利!你就享受,其他人就忍受!我本來想慳返o的電用手機映相.我實在頂唔順!我唯有聽歌...

好喇,終於去到赤柱喇.

有咩睇呢?(我真係好少去,上次去應該係15,16年前)

首先最吸引我o既係社區會堂.

穿個市場,就去到海邊.
沿途一帶有好多歐洲式o既餐廳同酒吧.(唔止個樣似,o的價錢都好似...)

聽講呢幾條住係由舊中環搬過o黎,但係點解都係二叔公o既?

正如喪bi所料,一直都落住雨.為o左方便映相所以我唔擔遮.
如果雨勢細返o的,我或者都會再行耐o的......

下次去邊好呢?(都係港島果邊多lu)

XD

XD XD XD

話說今日心情麻麻o地,工作上又有o的問題.放工一心諗住返屋企好好整理自己心情.
去到德福行行o下突然有個細路,大約2歲左右.一直追住我,仲突然伸開雙手攔住我.跟仲攬住我.不停同我講:hello,hello...

我俾佢攪到唔知點,我當時只能o係度笑.(其實我好尷尬因為佢o既身高...)
最後佢阿媽埋o黎捉走佢.仲不停道歉.我真係唔知點算好...

事後我o係度諗點解佢會纏住我呢?本來笑緊o既我突然之間笑得更犀利.因為我諗到原因喇...

出事o既原因係我個headphone,最近我改用o左'大耳牛'唔用耳塞.
條o靚仔不停同我hello, hello.我即時聯想起...
(請大家俾o的想像力....)

















天

使

得

得

B

哈哈哈哈哈哈哈哈哈哈哈哈哈哈

感謝 主令我開懷大笑!

復活節最後一hea...

一連4日o既假期咁就過o左,頭3日陪o左大人返大陸.我o尋日自己返香港.今日一個人悶悶o地就自己出街hea o下.
今日唔係去朗豪坊,而係另一個o地方.係邊度呢?暫時唔話俾你住,睇下相先啦.

仲未有頭緒?睇埋呢張就一定知...

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

冇錯!今日我一條傻佬自己就o左上山頂.點知玩o左一個鐘就落雨...

唯有落山...

跟住去o左呢度,唔知大家認唔認得呢度係邊呢?