父子間o既真情對話

o尋晚食完飯,我拖住大少落街行惠康.買早餐同零食,我抱大少坐購物車.俾o左錢之後我同佢開個玩笑,

我同佢講:'不如我留低你o係度住好唔好?'
佢即刻強烈抗議:'唔可以留低我o係度o架!!'

我抱o番佢落o黎,然後佢一面笑一面蹦蹦跳同我返屋企.

o係路上我問大少:'點解唔住惠康呀?有薯片,有汽水喎.'
大少話:'我見你唔到o麻!'

我::'你o錫媽咪定爸爸多o的呀?'
大少:'爸爸,媽咪.'

我:'爸爸同媽咪都o錫你,知唔知點解?'
大少:'因為我乖囉!'(答得好快)

我:'你乖唔乖我o地都o錫你,因為你係我o地個仔.當然你乖o既話我o地就o錫得高興o的.'

我:'你o錫唔o錫主耶穌?'
大少點頭.

我;'你o錫唔o錫天父?'
大少又點頭.

希望你大個之後都會o錫我o地啦.

癲夠出籠---自大,自私,愚蠢,白痴兼無知!!!

香港最近出現一條蕩失路o既座頭鯨,有班死白痴仔居然開住水上電單車去追條鯨魚.

你班死白痴仔!!好威威啊!好有型啊!

你班茂利只顧自己感受,完全冇諗過會唔會嚇親條鯨魚.

我真係好懷疑你o地有冇常識...

鯨魚係唔係魚呀?

有關新聞link:

http://news.sina.com.hk/cgi-bin/nw/show.cgi/4/1/1/1074450/1.html

星期日...去hea日

基本上我每個星期日都係咁過,朝早起身返教會.教會完o左就同o的弟兄姊妹食飯吹水.之後可能自己出去hea.或者同大人大少去街街.然後返屋企等食飯.睇電視,做o野,訓覺.係咁多.最多係打o下機.諗起星期一o的煩o野有時真係希望聽日仲係星期日...

今日我都係一樣,返教會,開會.完o左自己一個去hea,我先去旺角機樓換領一個無線keyboard+mouse.然後就行去朗豪坊.諗住o抖o下同等大人同大少.我最鍾意去果度hea.

因為我覺得果度環境唔錯.我覺得果度係一個去hea o既好地方!
一面聽歌,一面飲o野.睇住唔同o既人行o黎行去個感覺都幾得意.
冇o野做,無無聊聊我又玩自拍...

下個星期就唔會去hea啦,事關等o左成年o既 Hong Kong Seven又o黎lu! yeah!!

斯巴達式教育??

o尋晚放工拖住疲勞o既身軀返屋企,(感謝主!因為要返屋企做o既功課唔太多.)食完晚飯想話開工之前老竇提醒我大少未做功課.因為大人要揍住妹妹,所以我要負責教大少做功課.佢今o尋晚o既功課係畫波浪紋,老師之前已經教佢畫好一頁.另一頁要自己做.

開始o既時候仲好o地o地,但係未到一半波浪就變成火山.經過無數次循循善誘之後佢仍然仲係畫火山.於是......大家都應該知道發生咩事啦...

我都唔想咁o架,不過我唔發惡佢就會冇心機做功課.令我發惡o既原因唔係佢畫得唔靚.一個4歲o既細路仔,可以要求佢畫得靚成點呀?只不過佢唔俾心機就令我覺得要嚴加管教.所以語氣惡o的同嚴格o的我覺得係必須o既.

佢一邊含住眼淚做功課,我個心都流住眼淚去監佢做好o的功課.就係咁大少就完成份功課...

佢一完成功課就去同大人哭訴,大人好識做.安慰佢之餘仲同佢講道理.呢種一軟一硬
o既教育方式都係我o地兩公婆常用o既.而軟,硬o既角式都唔係固定o既...

之後大少出返o黎,同我講o左聲唔該爸爸.我個心當堂軟哂,俾o左個充滿溫情o既擁抱佢.仲同佢玩o左一陣.

今朝大少同大人講,爸爸o尋晚嚇死我lu...

癲狗出籠---發狂喪噬三隻小豬

你老闆!今日真係慶過火星!!事關今日同喪bi聽talk果陣後面有三隻雌性小豬(豬or豬精)不停o係度笑,笑到he he heh heh.我好似置身於4仔片場入面,果三隻小豬由開場嘈到完場.人o地講talk果個都要15分鐘break,佢o地三個完全唔使停...

自己唔想聽唔緊要,怕悶又怕交唔都差咪死出去坐囉.o係度賴死又不停笑同講o野我真係想擰轉身用本簿拍死佢o地!佢o地仲不停o係度講埋o的無謂o野:'我想去台灣呀...'

去台灣?!我呸!你估話去就去o架?!生畜入口要檢疫o架!你有冇口蹄病先?你唔好以為染金o的毛就可以充來路貨喎!一樣走唔甩呀!!!!!

我同喪bi由街頭鬧到街尾,佢三個都算經典呀!

開心的一日(下)

講起喪o都男我本來仲有好多o野想鬧,不過鬧多o的呢篇blog就會離o左題.所以鬧住咁多先.
攪到4點幾客人走o左,我就返香港...

你睇我幾謝...

火車雖然速度好快,但係我每次都想佢再快o的...

今日除o左見客之外,仲有一件大事.
就係大少生日!

返到香港,第一時間買個蛋糕俾佢先.
一個佢好想要o既蛋糕...

咁o岩特價,咁o岩size又o岩o岩好.加上大人吩咐要買什果蛋糕.於是就買o左..

果晚仲有特別嘉賓.

大少同佢o既生日禮物.

食完蛋糕,我o地一齊睇相. 包括我o地兩公婆結婚相同埋大少o既bb相.仲有我o既一o的舊相.其中包括下面呢張.

特別嘉賓最初覺得呢個雪山空氣好清新,但我向佢指出某一部份.佢當場俾我激親...

(請留意我o既右手...)

死未?!

開心的一日 (上)

(今次標題我本來唔知應該點寫,幸好有大人相助.建議我寫開心的一日.特此鳴謝.)

我o尋日6點鐘就要起身,事關有客人要上廠驗貨.坐o 左一輪車9點幾10點到廠.生產主管同我巡o左一轉工場睇過o下o的貨,我就乖乖o地等o的客到.到o左11點由J國o黎o既客人準時到達.跟住我o地對 samples,客人都覺得好滿意.佢仲通過翻譯表示下一張單都希望交俾我o地公司做.唔單止J國客人滿意,連代理公司負責呢個project o既負責人都滿意.仲讚賞我添.我感到又開心又慚愧.事關我有o的o野做得唔係咁好.覺得受之有愧.

但係竟然有人唔知醜,聽到有人讚就' 臘'哂所有功勞.又話自己點叻點叻.最抵死o既係佢吹水唔抹咀.又話見到個sample就已經同客人提出有乜難度又呢樣果樣.呢條友平時就已經乞人憎. (郁o的就最鍾意o都人,係又o都唔係又  o都.人o地搞唔掂又教人o都人.叫佢喪o都男就一定冇錯.)我聽佢不停o係度自吹自擂經已令我好想踢爆佢,事關我o地同個客開過咁多次會,佢一次都冇出現過.試問又邊度有俾個意見個客呀!唉~!喪o都男!你傻o者,唔代表人o地都同你一樣咁傻先得o架...待續