自由o既代價

噚晚睇咗一套關於一班北韓人出走去南韓o既記錄片,當中

過程非常艱辛.首先大部份出走o既都係女性,佢哋以為俾咗錢蛇頭就可以獲得自由.但係勢估唔到分分鐘俾人賣咗做妓女都唔知.

過咗呢一關,又要逃避大陸政府捉拿同遣返.第一次遣返要入勞改營.第二次就要死.

跟住分成兩批,由南韓教會統籌經雲南去寮國.(當中有阿婆,有小朋友)再由寮國去泰國,去到泰國就去南韓領事館安排坐飛機去南韓.

記錄片當中o既第一批成功去到南韓,但係第二批就俾公安捉哂...而當中有一對夫婦帶住個3個月大o既bb仔.佢哋o既命運係要面對死刑...佢哋點解引起人注意而俾人捉咗,全因為嗰位丈夫成日喺門口煲烟...

o的極權國家,人民o既生命被威脅自由被剝奪.為咗自由甘願付出咁大代價,去到南韓因為唔適應終日悶悶不樂甚至要自殺.呢個結局又係另一個悲劇.

一方面我要感謝神讓我生活喺自由o既地方,我望住瞓着咗o既大少.好難想像到帶住佢逃亡或者好似片入面嗰位小朋友咁俾佢自己跟住班大人逃亡.另一方面要切切為嗰班正在爭取緊自由o既人同當中幫手o既人祈禱.