四川地震,一幕又一幕令人流淚o既畫面盡現眼前.一個個家散人亡o既災民,一個個失去雙親o既小災民.令我感到心痛.每一次天災過後都會展現出人性o既美善同醜惡.見到o的救援人員(包括:軍隊,警察,醫護人員,消防隊同埋外國救援隊...等等)日以繼夜搜救生還者,照顧災民.我致以最崇高o既敬意!令我印象最深刻o既有幾位:
1.軍人本色:帶住物資去災區行好遠路o既阿兵哥,一句:我們是軍人,不怕苦!令我非常佩服!
2.空降部隊:唔怕死,甘於冒住生命危險空降災區!
3.女警奶媽:自己o既bb都冇去餵,而去餵其他冇o左媽媽o既bb.
4.悲傷女警:失去母親,女兒但仍然去盡力幫助災民.不辭勞苦.
5.救助同寮o既軍人:手足之情令人感動!
誰說中國人是醜陋的?!
不過有o的人o既行為,言論就非常之唔要得:
哄搶物資,冷血言論(竟然用色情o既眼光去評論女警奶媽!),發國難財,亂發信息......呢o的咁o既人渣真係要去餵狗!
除四川令我心痛之外,仲有一個地方令我感到痛心同難過.但係我講出o既話影響同牽連好大,所以如果想知就用私人回應,我會一五一十答你.
沒有留言:
發佈留言