回歸一周年紀念

6月1號係我正式離開廣州一周年,一年前一切都好迷茫.不過得神奇妙o既帶領而家一切都安定落.我曾經一度唔適應香港o既生活,覺得節奏太急速.到處都 人山人海.雖然喜歡旺角熱鬧o既氣氛但係有時都覺得頂唔順!地鐵太迫,人太多又自私,為自己方便,舒適就乜都做得出.睇得多都冇哂感覺!不過香港o既生 活都好方便,呢樣我暫時都覺得冇邊度可以比得上!街上面o既安全感十分充足,社會氣氛自由令我感覺自己選擇回歸係正確o既決定!香港工作雖然忙碌, 但好享受!呢樣又要感謝神施恩憐憫,賜我好工,好老細同埋可愛o既同事.雖然仲有有幾個唔多熟落但係來日方長!我好有信心我同佢會相處得好好!其實除o 左搵到份好工之外,工作所需o既能力亦好重要.我好感謝神讓我有各式各樣o既經歷,令我面對各個困難時刻都可以從容應付.加上神每日o既引導我內心不停 提醒,幫助我渡過每一日.


<以前每個星期日都趕頭趕命,想話好似咁樣同弟兄姊妹食飯簡直痴心妄想!>

令我感到遺憾o既係我同Sam記兩兄弟彼此往來少好多,大家都有自己o既家庭.大家都要為口奔馳,兩兄弟都各有各忙.我最希望佢能夠輕鬆o的,創業容易,守業難! 希望佢遲o的得閒可以多o的出同埋成班癲佬癲晚!(做老竇之後好難有機會喇!)